Mohan babu: మోహన్ బాబు జరిపిన దాడి ఘటనకు సంబంధించి ప్రస్తుతం కోర్టు, పోలీసులు, మీడియా మధ్య సీరియస్ చర్చలు కొనసాగుతున్నాయి. జల్‌పల్లిలో ఉన్న తన నివాసంలో జ‌ర్నలిస్టుపై దాడి చేసిన మోహన్ బాబు పై హత్యాయత్నం కేసు నమోదు అయిన సంగతి తెలిసిందే. ఈ ఘటన తర్వాత మోహన్ బాబు పై హైకోర్టులో ముందస్తు బెయిల్ పిటిషన్ దాఖలైంది, కానీ ఆ పిటిషన్‌ను హైకోర్టు తిరస్కరించింది.
పోలీసులు మోహన్ బాబును అరెస్టు చేయడానికి ప్రయత్నిస్తున్నారు. అయితే ఆయన ప్రస్తుతం అజ్ఞాతంలో ఉన్నట్లు తెలుస్తోంది. నిన్నటి నుండి మోహన్ బాబును వెతుకుతున్న పోలీసులు, ఈ కేసులో దర్యాప్తు ప్రారంభించినప్పటికీ, మోహన్ బాబుకు సంబంధించిన ఎలాంటి సాక్ష్యం మాత్రం లభించలేదని సమాచారం.
ప్రస్తుతం, మోహన్ బాబు తన అరెస్టును నివారించడానికో, లేదా విచారణలో భాగంగా సహకరించడానికో అజ్ఞాతంలోకి వెళ్లిపోయినట్లు అనుకుంటున్నారు.