Supreme Court: కొత్తగా అమలులోకి వచ్చిన వక్ఫ్ (సవరణ) చట్టం 2025 రాజ్యాంగబద్ధతపై దాఖలైన పిటిషన్లపై సుప్రీంకోర్టు సోమవారం మధ్యంతర ఉత్తర్వులు జారీ చేసింది. కొంత ఉపశమనం కల్పిస్తూ, కొన్ని ముఖ్యమైన సెక్షన్లపై స్టే విధించింది. అయితే మొత్తం చట్టాన్ని నిలిపివేయడానికి మాత్రం నిరాకరించింది.
స్టే విధించిన కీలక నిబంధనలు
-
సెక్షన్ 3(R): వక్ఫ్ సృష్టించాలంటే కనీసం ఐదు సంవత్సరాలు ఇస్లాంను ఆచరించాలనే నిబంధనపై స్టే.
-
సెక్షన్ 3C(2): ప్రభుత్వం నియమించిన అధికారి నివేదిక ఇవ్వక ముందే వక్ఫ్ ఆస్తిగా పరిగణించే నిబంధన నిలిపివేత.
-
సెక్షన్ 3C(4): కలెక్టర్‌కు వక్ఫ్ ఆస్తి ప్రభుత్వ ఆస్తా కాదా అని నిర్ణయించే అధికారం ఇవ్వడం సుప్రీంకోర్టు తిరస్కరించింది. “కార్యనిర్వాహకుడు పౌరుల హక్కులను తీర్పు ఇవ్వలేడు” అని స్పష్టం చేసింది.
-
సెక్షన్లు 9, 14: వక్ఫ్ బోర్డులో ముస్లిమేతర సభ్యుల సంఖ్యపై పరిమితులు కొనసాగాలని కోర్టు స్పష్టం చేసింది.
-
సెక్షన్ 23: ఎక్స్-ఆఫీషియో సభ్యులు వీలైనంత వరకు ముస్లింలే కావాలని ఆదేశించింది.
కొనసాగిన నిబంధనలు
-
వక్ఫ్ ఆస్తుల రిజిస్ట్రేషన్ తప్పనిసరిగా ఉండాలనే నిబంధనపై కోర్టు జోక్యం చేసుకోలేదు.
-
1995 నుండి రిజిస్ట్రేషన్ విధానం అమల్లో ఉందని, ఇది కొత్త విషయం కాదని ధర్మాసనం పేర్కొంది.
#WATCH | On Supreme Court’s order in Waqf Amendment Act, Advocate MR Shamshad says, “We consider that today’s order on Waqf Amendment Act is reasonably good. All the issues except one which relate to Waqf by user, have been addressed by the Supreme Court. Most of them have been… pic.twitter.com/jecRHlkYHx
— ANI (@ANI) September 15, 2025
సుప్రీంకోర్టు వ్యాఖ్యలు
ప్రధాన న్యాయమూర్తి బి.ఆర్. గవై నేతృత్వంలోని ధర్మాసనం ఇలా పేర్కొంది:
“మొత్తం చట్టం సవాలు చేయబడినా, ప్రాథమికంగా కొన్ని సెక్షన్లకే రాజ్యాంగబద్ధతపై అనుమానాలు ఉన్నాయి. ఆ విభాగాలకే స్టే ఇచ్చాం.”
రాజకీయ ప్రతిస్పందనలు
-
పిటిషనర్ల తరఫున వాదించిన న్యాయవాది ఎం.ఆర్. షంషాద్ ఈ తీర్పును “సహేతుకమైనది”గా అభివర్ణించారు.
-
ఆల్‌ ఇండియా ముస్లిం పర్సనల్ లా బోర్డు సభ్యుడు సయ్యద్ ఖాసిం రసూల్ ఇలియాస్, “మేము లేవనెత్తిన అనేక అంశాలను కోర్టు అంగీకరించింది” అని వ్యాఖ్యానించారు.
-
కాంగ్రెస్ ఎంపీ ఇమ్రాన్ ప్రతాప్‌గఢి మాట్లాడుతూ, “కేంద్రం కుట్రను సుప్రీంకోర్టు ఆపింది” అని అభిప్రాయపడ్డారు.
ఇది కూడా చదవండి: GST 2.0: జీఎస్టీ 2.0తో పేదలపై మరింత భారం!
#WATCH | Congress MP Imran Pratapgarhi says, “This is a really good decision. The Supreme Court has reined in the conspiracy and intentions of the Government. People who donate their land were fearful that the government would attempt to grab their land. This is a relief to… https://t.co/phsjpJSuXV pic.twitter.com/Lxog9rnXqn
— ANI (@ANI) September 15, 2025
రాజకీయ నేపథ్యం
-
కాంగ్రెస్ ప్రభుత్వం ముస్లిమ్ వర్గాల మెప్పు పొందేందుకు గతంలో తీసుకొచ్చిన వక్ఫ్ చట్టాన్ని, మోడీ సర్కారు కొత్త రూపంలో సవరించింది.
-
ఎన్డీయే మిత్రపక్షాలైన టిడిపి, జేడీయూ, శివసేన, జేడీఎస్ ఈ బిల్లుకు మద్దతు తెలిపాయి.
-
ముస్లిం మహిళలకు సాధికారిత కల్పించేందుకు త్రిపుల్ తలాక్ రద్దు చేసిన మోడీ సర్కారు, ఇప్పుడు వక్ఫ్ చట్టంలో మార్పులు చేసి సమాజ ప్రయోజనాలను రక్షిస్తోందని బీజేపీ వర్గాలు పేర్కొంటున్నాయి.
-
వక్ఫ్ బోర్డులు అనవసరంగా భూములను క్లెయిమ్‌ చేస్తూ, అనేక అక్రమాలు జరిగాయని ఆరోపణల మధ్య ఈ సవరణ చట్టం వెలువడింది.
తాత్కాలికంగా…
ఈ తీర్పుతో వక్ఫ్ చట్టంపై తాత్కాలిక సమతౌల్యం ఏర్పడింది. మొత్తం చట్టం నిలిపివేయబడకపోయినా, వివాదాస్పదమైన నిబంధనలు మాత్రం అమలు నుంచి బయటపడ్డాయి. ఇకపై పూర్తి విచారణలో సుప్రీంకోర్టు తుది తీర్పు ఎలా వస్తుందో చూడాలి.