Viral News: ప్రతిరోజూ ఏదో ఒక చోట మనిషి మిస్సింగ్ కేసు నమోదవుతూనే ఉన్నాయి. తప్పిపోతున్న వ్యక్తుల కోసం పోలీసులు, కుటుంబీకులు గాలింపు కొనసాగిస్తూనే ఉంటారు. అలాంటి మిస్సింగ్ కేసులో కనిపించకుండా పోయిన మహిళ ఆచూకీ ఊహించని విధంగా గుర్తించారు. ఈ ఘటన తెలిసిన ప్రతి ఒక్కరినీ షాక్‌ అయ్యేలా చేసింది. ఇంతకీ ఈ ఘటన ఎక్కడ జరిగిందనుకుంటున్నారా …మీరే చూడండి….
కొలీన్ మోన్ఫోర్ అనే 68ఏళ్ల అమెరికన్ మహిళ తన స్నేహితులతో కలిసి ఇండోనేషియా తీరానికి వెళ్లింది. డైవింగ్ చేస్తున్నప్పుడు బలమైన అలల కారణంగా ఆ మహిళ నీటిలో గల్లంతైంది. మోన్ఫోర్ కనిపించకుండా పోవడంతో స్నేహితులు వెంటనే పోలీసులకు సమాచారం అందించారు. రంగంలోకి దిగిన రెస్క్యూ టీం కొలీన్ మోన్ఫోర్ కోసం గాలింపు చేపట్టారు. అలా వారం రోజులు గడిచిపోయింది. గాలింపు సాగుతునే ఉంది. చివరకు ఆమె అవశేషాలు సొరచేప కడుపులో లభించాయి.
తైమూర్-లెస్టేలో వేటకు వెళ్లిన మత్స్యకారులకు ఓ భారీ సొరచేప చిక్కింది. పట్టుబడిన సొరచేపలో మానవ అవశేషాలు గుర్తించారు. ఇందులో స్విమ్‌సూట్ కూడా ఉండటం గమనించారు. డైవింగ్ చేసేటప్పుడు కొలీన్ మోన్ఫోర్ ధరించింది అదే డ్రెస్‌ అని తెలిసింది. దీంతో అధికారులు ఇండోనేషియా కోస్ట్ గార్డ్‌ను సంప్రదించి తప్పిపోయిన కొలిన్‌ మోన్ఫోర్ బంధువులు, స్నేహితుల నుంచి సమాచారం సేకరించారు. ఈ మేరకు సొరచేప కడుపులోంచి ఆమె అవశేషాలను స్వాధీనం చేసుకున్నారు. కానీ, అయితే, అధికారులు దీనిని ధృవీకరించలేదు. విచారణ కొనసాగుతోందని సమాచారం.