TVK Vijay: తమిళనాడు రాజకీయ అరంగేట్రంలో కొత్త చరిత్ర సృష్టించేందుకు సిద్ధమవుతున్న ‘దళపతి’ విజయ్, తన రాజకీయ ప్రస్థానంలో మరో కీలక అడుగు వేశారు. ఆయన స్థాపించిన తమిళగ వెట్రి కళగం (TVK) పార్టీ మూడవ వార్షికోత్సవ వేడుకలు చెన్నై సమీపంలోని పనైయూర్లో గల పార్టీ ప్రధాన కార్యాలయంలో అత్యంత వైభవంగా జరిగాయి. ఈ సందర్భంగా విజయ్ చేసిన వ్యాఖ్యలు ఇప్పుడు ద్రవిడ రాజకీయాల్లో పెను సంచలనంగా మారాయి.
అవినీతిపై ‘విజిల్’ యుద్ధం
ఎన్నికల సంఘం కేటాయించిన ‘విజిల్’ గుర్తును తన ప్రధాన ఆయుధంగా విజయ్ ప్రకటించారు. రాష్ట్రంలో వేళ్లూనుకున్న అవినీతిని తరిమికొట్టేందుకు ఈ విజిల్ శబ్దం ఒక హెచ్చరికగా మారుతుందని ఆయన పేర్కొన్నారు. “ఈ విజిల్ కేవలం ఒక గుర్తు మాత్రమే కాదు, సామాన్యుడి గొంతుక” అని అభివర్ణిస్తూ, కార్యకర్తలు ఈ గుర్తును ప్రతి ఇంటికీ తీసుకెళ్లాలని పిలుపునిచ్చారు. 2026 అసెంబ్లీ ఎన్నికల్లో తమ పార్టీ ఒక నిర్ణయాత్మక శక్తిగా అవతరిస్తుందని ఆయన ధీమా వ్యక్తం చేశారు.
ముఖ్యమంత్రి ఎం.కె. స్టాలిన్ లక్ష్యంగా విజయ్ సెటైర్లతో విరుచుకుపడ్డారు. స్టాలిన్ గారిని నిద్రలో నుంచే లేపి ఏ గుర్తుకు ఓటు వేస్తారని ప్రశ్నిస్తే, ఆయన కూడా ‘విజిల్’ గుర్తునే పలుకుతారని విజయ్ ఎద్దేవా చేశారు. టీవీకే పేరు వినగానే అధికార వర్గాల్లో భయం పట్టుకుందని వ్యాఖ్యానించారు. గతంలో అధికార పక్షం చేస్తున్న తప్పులను ప్రశ్నించే ధైర్యం ఎవరికీ లేదని, ఇప్పుడు ఆ బాధ్యతను తమ పార్టీ భుజానికెత్తుకుందని స్పష్టం చేశారు.
Also Read: KTR: కేసీఆర్ ని విచారించిన సిట్.. కేటీఆర్ ఏమన్నారంటే?
“డబ్బా ఇంజిన్లను నమ్మొద్దు”
ప్రస్తుత రాజకీయాల్లో ఉన్న కూటములను “డబ్బా ఇంజిన్లు”గా అభివర్ణించిన విజయ్, తమిళనాడు అభివృద్ధికి కేవలం టీవీకే మాత్రమే “టాప్ ఇంజిన్” అని ప్రకటించారు. రాజకీయాల్లోకి తాను కేవలం టైమ్ పాస్ కోసం రాలేదని, ప్రజలకు సేవ చేయడమే తన అంతిమ లక్ష్యమని పునరుద్ఘాటించారు. తనను డబ్బుతో కొనడం ఎవరితరం కాదని, తల వంచని పోరాటమే తన మార్గమని కార్యకర్తల్లో ఉత్సాహాన్ని నింపారు.
2026 లక్ష్యంగా వ్యూహరచన
సినిమా రంగంలో అగ్రస్థానంలో ఉన్న విజయ్, రాజకీయాల కోసం తన కెరీర్ను సైతం వదులుకోవడానికి సిద్ధపడటం గమనార్హం. మాజీ ముఖ్యమంత్రి ఎంజీఆర్ వారసత్వాన్ని గుర్తు చేస్తూ, ఆయనలాగే ప్రజల మనిషిగా గుర్తింపు పొందాలని విజయ్ భావిస్తున్నారు. మూడేళ్ల క్రితం ప్రారంభమైన ఈ ప్రస్థానం ఇప్పుడు ఒక “స్వచ్ఛమైన శక్తి”గా ఎదిగిందని, సామాన్యుడిని రాజకీయంగా సాధికారం చేయడమే తమ యుద్ధ భేరి అని ఆయన తన లేఖలో పేర్కొన్నారు.
என் நெஞ்சில் குடியிருக்கும் தோழர்களுக்கு,
வணக்கம்.நம் உயிரனைய இயக்கமான தமிழக வெற்றிக் கழகத்தின் மகிழ்ச்சிகரமான மூன்றாம் ஆண்டு, இன்று தொடங்குகிறது. இரண்டு ஆண்டுகளை இயல்பாகவும், இயல்பு தாண்டியும் நிறைவு செய்து, நீள்கிறது நம் அரசியல் பெரும்பயணம்.
முதன்மை அரசியல் சக்தியாகப்…
— TVK Vijay (@TVKVijayHQ) February 2, 2026