Vetri Maaran: తమిళ చిత్ర పరిశ్రమలో తనదైన ముద్ర వేసుకున్న దర్శకుడు వెట్రిమారన్, ప్రస్తుతం రెండు పెద్ద ప్రాజెక్టులతో వార్తల్లో నిలిచారు. ఒకవైపు హీరో సిలంబరసన్తో రూపొందించనున్న సినిమా, మరోవైపు ధనుష్‌తో చేయబోయే ‘వడ చెన్నై 2’. ఈ రెండు చిత్రాల కోసం అభిమానులు ఎంతో ఆసక్తిగా ఎదురుచూస్తున్నారు.
వెట్రిమారన్ తదుపరి చిత్రం గురించి త్వరలో ఒక ముఖ్యమైన ప్రకటన వెలువడే అవకాశం ఉంది. ఈ ప్రకటన సిలంబరసన్తో చేయబోయే సినిమాకి సంబంధించినదిగా తెలుస్తోంది. ఈ సినిమా గురించి 10-15 రోజులలో పూర్తి వివరాలు తెలియజేస్తామని సినీ వర్గాలు చెబుతున్నాయి.
Also Read: Virat Kohli: ఎన్టీఆర్‌పై కోహ్లీ ప్రశంసల వర్షం!
ఈ సినిమా పూర్తైన వెంటనే, వెట్రిమారన్ తన ప్రతిష్టాత్మక ప్రాజెక్ట్ వడ చెన్నై 2ని ప్రారంభించనున్నారు. ధనుష్‌తో కలిసి వెట్రిమారన్ చేసిన మొదటి భాగం ‘వడ చెన్నై’ ప్రేక్షకులను, విమర్శకులను మెప్పించి ఒక కల్ట్ క్లాసిక్‌గా నిలిచింది. అందుకే, ఈ సీక్వెల్ కోసం అభిమానులు ఉత్కంఠగా ఎదురుచూస్తున్నారు.
‘వడ చెన్నై 2’లో కథాంశం మరింత లోతుగా ఉంటుందని, భావోద్వేగాలను మరింత బలంగా చూపిస్తారని వెట్రిమారన్ సన్నిహితులు చెబుతున్నారు. ఈ రెండు ప్రాజెక్టులు తమిళ సినిమా చరిత్రలో కొత్త అధ్యాయాన్ని సృష్టించగలవని సినీ పరిశ్రమలో అంచనాలు ఉన్నాయి.