Vallabhaneni Vamsi: కృష్ణా జిల్లాలో గన్నవరం మాజీ ఎమ్మెల్యే, వైసీపీ కీలక నేత వల్లభనేని వంశీకి సుప్రీంకోర్టులో గట్టి ఎదురుదెబ్బ తగిలింది. గతంలో అక్రమ మైనింగ్ కేసులో ఆంధ్రప్రదేశ్ హైకోర్టు ఇచ్చిన ముందస్తు బెయిల్‌ను సుప్రీంకోర్టు తోసిపుచ్చింది.
ఏం జరిగింది?
గన్నవరం ఎమ్మెల్యేగా ఉన్న సమయంలో వంశీపై అక్రమ మైనింగ్ ఆరోపణలు వచ్చాయి. ఈ కేసులో అరెస్టు అవుతారనే భయంతో ఆయన ఏపీ హైకోర్టుకు వెళ్లి ముందస్తు బెయిల్ తెచ్చుకున్నారు. కానీ ఈ నిర్ణయాన్ని ఏపీ ప్రభుత్వం సవాల్ చేస్తూ సుప్రీంకోర్టును ఆశ్రయించింది.
సుప్రీంకోర్టు నిర్ణయం
జస్టిస్ సంజయ్ కుమార్, జస్టిస్ సతీష్ చంద్రశర్మ ధర్మాసనం ఈ కేసును విచారించింది.
-
ఆంధ్రప్రదేశ్ ప్రభుత్వ వాదనలు వినకుండా ముందస్తు బెయిల్ మంజూరు చేయడంపై సుప్రీంకోర్టు అసంతృప్తి వ్యక్తం చేసింది.
-
కేసు మెరిట్స్ (వాస్తవాలు)ను పరిశీలిస్తూ ఇకపై విచారణ కొనసాగించాలని ఆదేశించింది.
వంశీకి మరో షాక్
ఇప్పటికే పలు కేసుల్లో చిక్కుకుని, ఐదు నెలల పాటు జైల్లో గడిపిన వంశీకి ఇది మరో పెద్ద షాక్‌గా మారింది. అనారోగ్య సమస్యలతో తాజాగా జైలు నుంచి విడుదలైన ఆయనకు సుప్రీంకోర్టు తీర్పు మరోసారి తలనొప్పి తెచ్చిపెట్టింది.