Health Tips: అనారోగ్యకరమైన ఆహారపు అలవాట్లు, జీవనశైలి లోపం కారణంగా ప్రపంచవ్యాప్తంగా ఊబకాయం తీవ్రమైన ఆరోగ్య సమస్యగా మారింది. ఊబకాయం బరువు పెరగడమే కాకుండా గుండె జబ్బులు, మధుమేహం వంటి అనేక ఆరోగ్య సమస్యలను కూడా కలిగిస్తుంది. ఈ సమయంలో జపనీయుల మాదిరిగా ఆరోగ్యకరమైన జీవనశైలిని అనుసరించడం చాలా ముఖ్యం. అవును ప్రపంచంలోనే అత్యధిక కాలం ఆరోగ్యకరమైన జీవితాలను గడిపే వ్యక్తులలో జపనీయులు ముందు వరసలో ఉంటారు. అవేంటో తెలుసుకుందాం..
జపనీయుల ఆరోగ్యకరమైన అలవాట్లు :
‘హర హచి బు’ అనే జపనీస్ నియమాన్ని అనుసరించండి:
జపనీయులు తినేటప్పుడు ‘హరా హచి బు’ నియమాన్ని పాటిస్తారు. ఈ నియమం ప్రకారం.. మీరు మీ కడుపుని 80శాతం మాత్రమే నింపుకోవాలి. అతిగా తినకూడదు. ఇది జీర్ణక్రియను మెరుగుపరచడమే కాకుండా అతిగా తినడాన్ని నివారిస్తుంది. అందువలన శరీర బరువు కూడా నియంత్రణలో ఉంటుంది.
సమతుల్య ఆహారం:
జపనీయుల ఆహారంలో సముద్ర ఆహారం, పచ్చి కూరగాయలు, సోయా ఉత్పత్తులు, బియ్యం, గ్రీన్ టీ ముఖ్యమైన భాగాలు. వారి ఆహారంలో కేలరీలు తక్కువగా ఉండి, పోషకాలు సమృద్ధిగా ఉంటాయి. ఇది ఊబకాయాన్ని తగ్గించి శరీరాన్ని ఆరోగ్యంగా ఉంచుతుంది. మీరు కూడా అలాంటి ఆహారాలు తీసుకోవడం ద్వారా ఊబకాయం నుండి బయటపడవచ్చు.
సహజమైన ఆహారాన్ని తినడం:
జపనీయులు ప్రాసెస్ చేసిన ఆహారాన్ని తీసుకోకుండా ఉంటారు. తాజా పండ్లు, కూరగాయలు, మిసో, నుకాజుక్ వంటి పులియబెట్టిన ఆహారాలను ఎక్కువగా తింటారు. ఇవి జీవక్రియను పెంచడానికి, బరువును నియంత్రించడంలో సహాయపడతాయి.
నడక సాధన:
జపనీయులు రోజువారీ పనులకు వెళ్ళేటప్పుడు కార్లు లేదా బైకులను తక్కువగా ఉపయోగిస్తారు. వారు పనికి నడిచి వెళ్తారు లేదా సైకిళ్ళను ఉపయోగిస్తారు. ఇది వారి ఫిట్‌నెస్‌ను కాపాడుకోవడానికి, కేలరీలను బర్న్ చేయడానికి సహాయపడుతుంది. మీరు కూడా నడవడం, సైక్లింగ్ చేయడం అలవాటు చేసుకోవాలి.
ఇది కూడా చదవండి: Chia Seeds Health Benefits: చియా సీడ్స్‌తో బోలెడు బెనిఫిట్స్ !
తేలికైన భోజనం:
జపనీయులు రాత్రిపూట ఆలస్యంగా తినడం మానేస్తారు. వారి భోజనం కూడా తేలికగా ఉంటుంది. ఇది జీర్ణక్రియకు సహాయపడటమే కాకుండా శరీరంలో కొవ్వు పేరుకుపోకుండా నిరోధిస్తుంది. కాబట్టి, స్లిమ్‌గా, ఫిట్గా కనిపించడానికి ఈ ఆరోగ్యకరమైన జపనీస్ అలవాటును అలవర్చుకోండి.
మానసిక ఆరోగ్యంపై మరింత శ్రద్ధ:
ఒత్తిడి కూడా ఊబకాయానికి ఒక ప్రధాన కారణం. అందువల్ల జపనీస్ ప్రజలు ఒత్తిడిని నివారించడం, మానసిక ఆరోగ్యాన్ని మెరుగుపరచడంపై ఎక్కువ దృష్టి పెడతారు. జపనీయులు ధ్యానం తోటపని, ప్రకృతితో అనుసంధానం ద్వారా ఒత్తిడిని తగ్గించడంపై దృష్టి పెడతారు, ఇది వారి బరువును అదుపులో ఉంచుకోవడానికి సహాయపడుతుంది.