Urvashi Rautela: సూర్య – వెంకీ అట్లూరి కలయికలో ఓ సినిమా వస్తున్న సంగతి తెలిసిందే. ఈ ఏడాది జూన్ నెల నుంచి ఈ సినిమాకు సూర్య డేట్స్ ఇచ్చాడని కూడా తెలుస్తోంది. ఐతే, ముందుగా ఈ సినిమాలో హీరోయిన్ గా మేకర్స్ మొదట భాగ్యశ్రీ భోర్సే ను తీసుకునే ప్లాన్ లో ఉన్నారని వార్తలు వచ్చాయి. తాజాగా ఆమె ప్లేస్ లోకి కాయదు లోహర్ ను తీసుకోబోతున్నారని టాక్. ఇదిలా ఉంటే.. ఈ సినిమాలో మరో బాలీవుడ్ బ్యూటీ ఊర్వశి రౌతేలా కూడా ఓ కీలక పాత్రలో కనిపించబోతుందట.‘డాకు మహారాజ్’ సినిమాలో ఊర్వశి రౌతేలాకి మంచి పాత్ర దక్కింది. ఆమె పాత్రలో గ్లామర్ తో పాటు యాక్షన్ కూడా హైలైట్ అయింది. తాజాగా సూర్య సినిమాలో కూడా ఊర్వశి రౌతేలాకి మరో సూపర్ రోల్ తగిలినట్టు తెలుస్తోంది. కాగా సితార ఎంటర్టైన్మెంట్స్ బ్యానర్ పై సూర్య దేవర నాగవంశీ ఈ సినిమాని నిర్మిస్తుండగా జీవీ ప్రకాష్ సంగీతం అందించబోతున్నాడు.
