Trump: అమెరికా మాజీ అధ్యక్షుడు డొనాల్డ్ ట్రంప్ చేసిన వ్యాఖ్యలు ఇప్పుడు రాజకీయంగా దుమారం రేపుతున్నాయి. ఖతార్‌ రాయల్‌ ఫ్యామిలీ ట్రంప్‌కు విలాసవంతమైన 747-8 జంబో జెట్‌ విమానాన్ని బహుమతిగా ఇచ్చేందుకు ముందుకొచ్చింది. దీన్ని స్వీకరించేందుకు ట్రంప్ కూడా అంగీకారం తెలిపారు. అయితే ఈ అంశంపై డెమోక్రాట్‌ పార్టీ నుంచి తీవ్ర విమర్శలు వ్యక్తమవుతున్నాయి. ఇది జాతీయ భద్రతకు ముప్పు కలిగించే అంశమని వారు ఆరోపిస్తున్నారు.
ఈ నేపథ్యంలో ట్రంప్ స్పందిస్తూ, “కొట్ల ఖరీదైన విమానాన్ని ఉచితంగా ఇస్తున్నప్పుడు దాన్ని తిరస్కరించడం మూర్ఖత్వమే. నేను తెలివితక్కువ వాడినట్లా ఎందుకు నేను ఆఫర్‌ను తిరస్కరించాలి?” అంటూ వ్యాఖ్యానించారు. ఈ విమానాన్ని తన పదవీ కాలం తర్వాత అధ్యక్ష లైబ్రరీకి విరాళంగా ఇవ్వనున్నట్లు స్పష్టం చేశారు.
అయితే విమానాన్ని ట్రంప్ ‘ఎయిర్‌ఫోర్స్‌ వన్‌’కు ప్రత్యామ్నాయంగా వినియోగించాలన్న యోచన కూడా ఉండటంతో, ఈ నిర్ణయం మరింత వివాదాస్పదమైంది. ఇది విదేశీ ప్రభావాన్ని చాటే చర్యగా భావిస్తూ, డెమోక్రాట్‌ నేతలు దీన్ని తీవ్రంగా తప్పుబడుతున్నారు.
ఇదిలా ఉంటే, ట్రంప్ ఈ వారంలో ఖతార్‌తో సహా పలు మధ్యప్రాచ్య దేశాల్లో పర్యటించనున్న సందర్భంలో, ఈ బహుమతి ప్రకటన పైన కూడా ప్రశ్నలు ముడిపడుతున్నాయి.
అంతా చూసినప్పుడు, ఈ ఖరీదైన బహుమతిని కేంద్రంగా అమెరికా రాజకీయాల్లో కొత్త దుమారం మొదలైనట్టే కనిపిస్తోంది.