Hari Hara Veera Mallu: పవర్ స్టార్ పవన్ కళ్యాణ్ లేటెస్ట్ మూవీ హరిహర వీరమల్లుపై ప్రేక్షకుల్లో భారీ అంచనాలు క్రియేట్ అయ్యాయి. ఈ సినిమాను జ్యోతి కృష్ణ డైరెక్ట్ చేస్తుండగా స్టార్ ప్రొడ్యూసర్ ఏ.ఎం.రత్నం ప్రొడ్యూస్ చేస్తున్నారు. హిస్టారికల్ చిత్రంగా రానున్న ఈ సినిమాతో పవన్ కళ్యాణ్ బాక్సాఫీస్ రికార్డులు తిరగరాయడం ఖాయమని అభిమానులు ధీమా వ్యక్తం చేస్తున్నారు.ఇక ఈ సినిమా నుంచి ఇప్పటికే పోస్టర్స్, గ్లింప్స్, ఫస్ట్ సింగిల్ సాంగ్ ప్రేక్షకులను ఇంప్రెస్ చేశాయి. ఈ మూవీలోని సెకండ్ సింగిల్ సాంగ్గా ‘కొల్లగొట్టినాదిరో’ పాటను ఫిబ్రవరి 24న సాయంత్రం 3 గంటలకు రిలీజ్ చేయనున్నారు. ఇక ఈ సినిమాలో అందాల భామ నిధి అగర్వాల్ హీరోయిన్గా నటించింది. ఈ సినిమాకు ఎం.ఎం.కీరవాణి సంగీతం అందిస్తున్నారు. మార్చి 28న ఈ చిత్రాన్ని రిలీజ్ చేసేందుకు మేకర్స్ రెడీ అవుతున్నారు.
