Trisha: లెజెండరీ దర్శకుడు మణిరత్నం, యూనివర్సల్ హీరో కమల్ హాసన్ కాంబోలో రూపొందిన ‘థగ్ లైఫ్’ సినిమాపై భారీ హైప్ ఏర్పడింది. ఏళ్ల తర్వాత వీరిద్దరూ కలిసి చేసిన ఈ చిత్రం థియేటర్లలో విడుదలైన తర్వాత ఊహించని స్పందనను రాబట్టింది. కొన్ని అంశాలు అయితే పూర్తిగా నిరాశపరిచాయి. ముఖ్యంగా, హీరోయిన్ త్రిష పాత్ర ఆడియెన్స్కు చిరాకు తెప్పించిందనే టాక్ వినిపిస్తోంది. ఆమె క్యారెక్టర్తో పాటు, కొన్ని సీన్లు, ఇతర పాత్రలతో ఆమె సంబంధాలు నీరసంగా అనిపించాయని నెటిజన్లు కామెంట్స్ చేస్తున్నారు. దీంతో త్రిష పాత్ర ఈ చిత్రంలో విమర్శల పాలైందని చెప్పవచ్చు. ఈ సినిమాకు ఏఆర్ రెహమాన్ సంగీతం అందించగా, కమల్ హాసన్, మణిరత్నం, ఆర్ మహేంద్రన్ నిర్మాణ బాధ్యతలు వహించారు. మొత్తంగా త్రిష పాత్రపై వచ్చిన విమర్శలు సినీ వర్గాల్లో చర్చనీయాంశంగా మారాయి.
