The Raja Saab: ప్రభాస్ నటిస్తున్న ‘రాజాసాబ్’ చిత్రం ఆడియో రైట్స్ రూ.20 కోట్లకు అమ్ముడయ్యాయి. ప్రముఖ సంగీత సంస్థ టి-సిరీస్ ఈ భారీ ఒప్పందాన్ని కైవసం చేసుకుంది. ఇంతవరకు సినిమా నుంచి ఒక్క పాట కూడా విడుదల కానప్పటికీ, ఇలాంటి స్థాయిలో డీల్ కుదరడం ఆశ్చర్యం కలిగిస్తోంది. ప్రభాస్ తన అద్భుతమైన లుక్, నటనతో ప్రేక్షకులకు అదిరిపోయే అనుభవాన్ని అందించనున్నాడు. ఈ చిత్రంలో నిధి అగర్వాల్, మాళవిక మోహనన్, రిద్ధి కుమార్ కీలక పాత్రల్లో కనిపించనున్నారు. థమన్ సంగీతం సినిమాకి ప్రాణం పోస్తుందని అంచనాలు ఉన్నాయి. పీపుల్ మీడియా ఫ్యాక్టరీ బ్యానర్‌పై టి.జి.విశ్వప్రసాద్ ఈ చిత్రాన్ని నిర్మిస్తున్నారు. ‘రాజాసాబ్’ సినిమా అభిమానుల్లో భారీ అంచనాలు రేకెత్తిస్తోంది.
