Tesla: టెస్లా, స్పేస్ఎక్స్ అధినేత ఎలాన్ మస్క్ వెనిజులా ప్రజలకు నెల రోజుల పాటు స్టార్లింక్ ఇంటర్నెట్ను ఉచితంగా అందిస్తున్నట్లు ప్రకటించారు. దేశంలో నెలకొన్న రాజకీయ సంక్షోభం నేపథ్యంలో ప్రజలకు నిరంతర ఇంటర్నెట్ సౌకర్యం కల్పించడమే ఈ నిర్ణయానికి కారణమని తెలిపారు.
మదురో అరెస్ట్ తర్వాత ప్రకటన
అమెరికా సైనిక చర్యలో వెనిజులా అధ్యక్షుడు నికోలస్ మదురో అరెస్ట్ అయ్యారనే వార్తల నేపథ్యంలో మస్క్ ఈ కీలక ప్రకటన చేశారు. మదురో పాలన ముగియడంతో వెనిజులా అభివృద్ధి దిశగా అడుగులు వేయగలదని ఆయన వ్యాఖ్యానించారు.
స్టార్లింక్ పాత్ర
లో ఎర్త్ ఆర్బిట్ శాటిలైట్లతో పనిచేసే స్టార్లింక్ నెట్వర్క్, రాజకీయ అనిశ్చితి ఉన్న సమయంలో కూడా ఇంటర్నెట్ కనెక్టివిటీకి భరోసా ఇస్తుందని మస్క్ తెలిపారు. ఈ ఉచిత సేవలు ఫిబ్రవరి 3 వరకు అందుబాటులో ఉంటాయి.
మదురోపై మస్క్ విమర్శలు
మదురో ప్రభుత్వ విధానాల వల్లే వెనిజులా ఆర్థిక వ్యవస్థ కుప్పకూలిందని మస్క్ గతం నుంచీ విమర్శిస్తున్నారు. 2024 ఎన్నికల సమయంలో ప్రతిపక్ష నేత మారియా కొరినా మచాడోకు కూడా ఆయన బహిరంగంగా మద్దతు ప్రకటించారు.