Viral Video: ఐపీఎల్ 2026 సీజన్ సందడి మొదలవడంతో సోషల్ మీడియాలో రకరకాల వీడియోలు ప్రత్యక్షమవుతున్నాయి. ఈ క్రమంలోనే ఒక తెలుగు సోషల్ మీడియా ఇన్ఫ్లూయెన్సర్ చేసిన వీడియో ఇప్పుడు నెటిజన్లకు తీవ్ర ఆగ్రహం తెప్పిస్తోంది. కేవలం లైకులు, వ్యూస్ కోసం కొంతమంది ఎంతకైనా దిగజారుతారనే దానికి ఈ వీడియో ఒక ఉదాహరణగా నిలిచింది. గ్లామర్ లేదా కామెడీతో పాపులర్ అవ్వాలనుకోవడం వేరు, కానీ సెలబ్రిటీల వ్యక్తిగత జీవితంపై అసభ్యకరమైన వ్యాఖ్యలు చేస్తూ పబ్లిసిటీ కోరుకోవడం ఇప్పుడు చర్చనీయాంశంగా మారింది.
గతంలో ‘స్వేయ్ గర్ల్’ పేరుతో వీడియోలు చేస్తూ, ఆర్సీబీ (RCB) జట్టుకు వీరాభిమానిగా చెప్పుకునే ఒక యువతి తాజాగా చేసిన వ్యాఖ్యలు షాకింగ్గా ఉన్నాయి. తన కడుపులో పెరుగుతున్న బిడ్డకు తండ్రి విరాట్ కోహ్లీయే అంటూ ఆమె వీడియోలు చేసి సోషల్ మీడియాలో షేర్ చేసింది. అంతటితో ఆగకుండా, విరాట్ కోహ్లీ తనకు ‘లవ్ బైట్’ ఇచ్చాడంటూ అసత్యపు ప్రచారానికి తెరలేపింది. ఈ రకమైన ‘క్రింజ్’ కంటెంట్ చూసి సామాన్య జనం ఛీ కొడుతుంటే, కోహ్లీ అభిమానులు మాత్రం తీవ్రస్థాయిలో మండిపడుతున్నారు.
ఈ వీడియో వైరల్ అవ్వడంతో విరాట్ కోహ్లీ ఫ్యాన్స్ సోషల్ మీడియా వేదికగా సదరు ఇన్ఫ్లూయెన్సర్పై విరుచుకుపడుతున్నారు. కేవలం పాపులారిటీ కోసం ఒక స్టార్ క్రికెటర్ ప్రతిష్టను దెబ్బతీస్తావా అంటూ నిలదీస్తున్నారు. ఐపీఎల్ మ్యాచ్ల సందర్భంగా ఇటువంటి వింత పోకడలు ఎక్కువవుతున్నాయని, కేవలం ఫాలోవర్లను పెంచుకోవడం కోసం ఇలాంటి అడ్డదారులు తొక్కడం సరైన పద్ధతి కాదని నెటిజన్లు అభిప్రాయపడుతున్నారు. బాధ్యతాయుతంగా ఉండాల్సిన సోషల్ మీడియా వేదికలను ఇలాంటి అసభ్యకర ప్రచారాలకు వాడుకోవడంపై కఠిన చర్యలు తీసుకోవాలని పలువురు కోరుతున్నారు.
View this post on Instagram