71st National Film Awards: 2023 సంవత్సరానికి గాను ప్రతిష్టాత్మక 71వ జాతీయ చలనచిత్ర పురస్కారాలను కేంద్ర ప్రభుత్వం ప్రకటించింది. కేంద్ర మంత్రులు అశ్వినీ వైష్ణవ్, ఎల్. మురుగన్లకు జ్యూరీ సభ్యులు అవార్డు విజేతల వివరాలను అందజేశారు. అనంతరం ఢిల్లీలోని నేషనల్ మీడియా సెంటర్లో జరిగిన మీడియా సమావేశంలో ప్రధాన విభాగాల విజేతలను వెల్లడించారు. ఈసారి తెలుగు సినిమాకు పలు విభాగాల్లో అవార్డులు దక్కడం విశేషం.
‘భగవంత్ కేసరి’కి ఉత్తమ తెలుగు చిత్రం అవార్డు!
నటసింహం నందమూరి బాలకృష్ణ హీరోగా, అనిల్ రావిపూడి దర్శకత్వంలో వచ్చిన “భగవంత్ కేసరి” చిత్రం ఉత్తమ తెలుగు చిత్రంగా జాతీయ పురస్కారం అందుకుంది. ఇది బాలకృష్ణ అభిమానులకు, చిత్ర బృందానికి గొప్ప సంతోషాన్నిచ్చే వార్త.
‘హనుమాన్’కు రెండు అవార్డులు, ‘బలగం’ గీతానికి ప్రత్యేక గుర్తింపు!
ప్రశాంత్ వర్మ దర్శకత్వంలో వచ్చిన సూపర్ హీరో చిత్రం “హనుమాన్” కూడా రెండు జాతీయ పురస్కారాలను గెలుచుకుంది. బెస్ట్ స్టంట్ కొరియోగ్రఫీ విభాగంలో హనుమాన్కు అవార్డు దక్కింది. ఈ కేటగిరీలో నందు, పృథ్వీ బెస్ట్ యాక్షన్ డైరెక్టర్స్గా నిలిచారు.
ఇక, ప్రేక్షకులను భావోద్వేగంలో ముంచెత్తిన “బలగం” సినిమాలోని “ఊరు పల్లెటూరు” పాటకు ఉత్తమ గేయరచన విభాగంలో జాతీయ అవార్డు లభించింది. ఈ అద్భుతమైన గీతాన్ని రచించిన కాసర్ల శ్యామ్ ఈ గౌరవాన్ని అందుకున్నారు.
‘బేబీ’కి బెస్ట్ స్క్రీన్ ప్లే!
యువతను విశేషంగా ఆకట్టుకున్న “బేబీ” చిత్రానికి ఉత్తమ స్క్రీన్ ప్లే విభాగంలో జాతీయ పురస్కారం లభించింది. ఈ చిత్రానికి స్క్రీన్ ప్లే అందించిన సాయి రాజేష్ నీలం (షేరింగ్) ఈ అవార్డును దక్కించుకున్నారు.
ఇతర ముఖ్యమైన విభాగాల విజేతలు:
ఉత్తమ తమిళ చిత్రం (ఫీచర్): పార్కింగ్ – రామ్కుమార్ బాలకృష్ణన్ (దర్శకుడు)
ఉత్తమ గారో సినిమా: రిమ్డోగిట్టంగా (రాప్చర్) (ఈశాన్య భారతదేశంలోని గారో భాషలో తీసిన సినిమా)
ఉత్తమ తాయ్ ఫేక్ సినిమా: పై టాంగ్: స్టెప్ ఆఫ్ హోప్
ఫీచర్ ఫిల్మ్ విభాగంలో స్పెషల్ మెన్షన్: యానిమల్ (హిందీ)
ఉత్తమ నాన్-ఫీచర్ చిత్రం: ది ఫ్లవరింగ్ మాన్ (హిందీ)
ఉత్తమ కళలు/సాంస్కృతిక చిత్రం: టైమ్లెస్ తమిళనాడు (ఇంగ్లీష్)
నాన్-ఫీచర్ విభాగం విజేతలు:
ఉత్తమ డాక్యుమెంటరీ (నాన్-ఫీచర్): గాడ్ వల్చర్ అండ్ హ్యూమన్ (ఇంగ్లీష్, హిందీ, తెలుగు)
ఉత్తమ స్క్రిప్ట్ (నాన్-ఫీచర్): సన్ఫ్లవర్స్ వర్ ది ఫస్ట్ వన్స్ టు నో (కన్నడ)
ఉత్తమ వాయిస్ ఓవర్ / నరేషన్: ది స్కేడ్ జాక్ – ఎక్స్ప్లోరింగ్ ది ట్రీ ఆఫ్ విశెస్ (ఇంగ్లీష్)
ఉత్తమ దర్శకత్వం (నాన్-ఫీచర్): పీయూష్ ఠాకూర్ – ది ఫస్ట్ ఫిల్మ్ (హిందీ)
స్పెషల్ మెన్షన్స్ (నాన్-ఫీచర్):
నేకల్ – క్రానికల్ ఆఫ్ ది ప్యాడీ మాన్ (మలయాళం) – ఎమ్కే రమదాస్
ది సీ అండ్ సెవెన్ విలేజెస్ (ఒడియా) – హిమాంశు శేఖర్ కటువా, కదంబినీ మీడియా ప్రైవేట్ లిమిటెడ్
ఉత్పల్ దత్త ఉత్తమ చలనచిత్ర విమర్శకుడి అవార్డు (అసామీ) అందుకున్నారు.
మొత్తంమీద, 71వ జాతీయ చలనచిత్ర పురస్కారాలు తెలుగు సినిమాకు మంచి గుర్తింపును తీసుకొచ్చాయి. ఇది తెలుగు చిత్ర పరిశ్రమకు గర్వకారణం!