Telangana Cabinet Meeting: తెలంగాణ రాష్ట్రంలో ముఖ్యమైన నిర్ణయాలు తీసుకునే కేబినెట్‌ సమావేశం నేడు జరగనుంది. సీఎం రేవంత్‌రెడ్డి అధ్యక్షతన మధ్యాహ్నం 2 గంటలకు సచివాలయంలో ఈ భేటీ జరుగుతుంది. రాష్ట్రానికి సంబంధించిన పలు కీలక అంశాలపై ఈ సమావేశంలో చర్చించనున్నారు.
బీసీ రిజర్వేషన్లు – ప్రధాన అజెండా
-
వెనుకబడిన తరగతులకు (BC) 42 శాతం రిజర్వేషన్లు ఇవ్వాలన్న అంశంపై కేబినెట్‌ సమగ్ర చర్చ జరగనుంది.
-
స్థానిక సంస్థల ఎన్నికల రిజర్వేషన్లపై కూడా నిర్ణయం తీసుకునే అవకాశం ఉంది.
-
జూన్ 25న హైకోర్టు ఇచ్చిన గడువులోగా రిజర్వేషన్లు ఖరారు చేయాలని ప్రభుత్వం చూస్తోంది.
ఇది కూడా చదవండి: Gold Rate Today: చల్ల రోజుల తర్వాత తగ్గుతున్న బంగారం ధరలు..తెలుగు రాష్ట్రాల్లో ఎంతంటే..
స్థానిక సంస్థల ఎన్నికలు
-
కేబినెట్‌ ఆమోదం తర్వాత రాష్ట్ర ఎన్నికల సంఘం పూర్తి స్థాయి షెడ్యూల్‌ విడుదల చేయనుంది.
-
ఈ ఎన్నికలు రెండు దశల్లో నిర్వహించే అవకాశం ఉంది.
సంక్షేమ పథకాల సమీక్ష
కేబినెట్‌ సమావేశంలో పలు సంక్షేమ పథకాల అమలుపై చర్చించనున్నారు:
-
మహిళలకు ఉచిత బస్సు సర్వీసు
-
సన్నకారు బియ్యం పంపిణీ
-
ఇందిరమ్మ గృహనిర్మాణ పథకం
-
రైతు భరోసా
-
అర్హుల ఎంపిక, సర్టిఫికెట్ల పంపిణీ వంటి అంశాలను క్షేత్రస్థాయిలో సమీక్షించాలని మంత్రులను ఆదేశించే అవకాశం ఉంది.
ఇంకా చర్చించే అంశాలు
-
మెట్రో రైలు దశ-II విస్తరణ – హైదరాబాద్‌లో మెట్రో ప్రాజెక్ట్‌ విస్తరణపై వివరణాత్మక ప్రాజెక్టు నివేదిక (DPR)పై చర్చ.
-
గిగ్‌ వర్కర్స్‌ వెల్ఫేర్‌ బిల్లు – గిగ్‌ వర్కర్లకు సంక్షేమ పథకాలు.
-
గో సంరక్షణ పాలసీ – గోశాల పాలసీపై తుది నిర్ణయం.
-
ప్రైవేట్‌ క్యాబ్‌ సేవలు – ప్రభుత్వ నియంత్రణలోకి తీసుకురావాలా అనే అంశంపై చర్చ.
-
కులగణన, రేషన్‌ కార్డులు – కొత్త రేషన్‌కార్డుల పంపిణీ, కులగణన నివేదిక.
-
సాగునీటి ప్రాజెక్టులు – కాళేశ్వరం ప్రాజెక్టు నివేదిక, యూరియా నిల్వలు, సాగునీటి ప్రాజెక్టుల అంచనాల పెంపు.
-
విద్యా శాఖ – కొత్త ప్రభుత్వ జూనియర్‌ కళాశాలలకు అవసరమైన పోస్టుల మంజూరు.
-
మత్స్యకార సంఘాలు – మత్స్యకార సహకార సంఘాల ఇన్‌ఛార్జ్‌ల నియామకం.