Baahubali: భారతీయ సినిమా ఖ్యాతిని ప్రపంచానికి చాటిన ‘బాహుబలి’ చిత్రం మరోసారి సినీ ప్రియులను అలరించడానికి సిద్ధమవుతోంది. అగ్ర దర్శకుడు ఎస్‌ఎస్ రాజమౌళి రూపొందించిన ఈ బృహత్తర చిత్రాన్ని, రెండు భాగాలను కలిపి ఒకే ఎపిక్ సినిమాగా రీరిలీజ్ చేయనున్నారు. ఈ కొత్త వెర్షన్‌కు ‘బాహుబలి: ది ఎపిక్’ అని పేరు పెట్టారు.
అక్టోబర్ 31న విడుదల
మొదటి భాగం (‘ది బిగినింగ్’), రెండవ భాగం (‘ది కంక్లూజన్’) విడుదలై పదేళ్లు పూర్తయిన సందర్భంగా, మేకర్స్ ఈ నిర్ణయం తీసుకున్నారు. ‘బాహుబలి: ది ఎపిక్’ సినిమాను అక్టోబర్ 31న ప్రేక్షకుల ముందుకు తీసుకురానున్నారు. అన్నపూర్ణ స్టూడియోలో ప్రస్తుతం ఈ రీరిలీజ్ కోసం చిత్ర బృందం తుది సన్నాహాలు చేస్తోంది.
ప్రత్యేక ఎడిటింగ్, విజువల్స్..
రాజమౌళి టీమ్ ఈ రీరిలీజ్ కోసం ప్రత్యేకంగా కృషి చేస్తోంది. దీనికి స్పెషల్ ఎడిటింగ్ చేయడంతో పాటు, విజువల్ ఎఫెక్ట్స్‌పై కూడా మరింత దృష్టి సారించారు. ఇటీవల, ఈ సినిమాకు తుది మెరుగులు దిద్దుతున్న కీలక సభ్యుల ఫోటో ఒకటి సోషల్ మీడియాలో వైరల్ అయింది. ఇది అభిమానుల్లో అంచనాలను మరింత పెంచింది.
Also Read: Mana Shankara VaraPrasad Garu: మన శంకర వరప్రసాద్గారు సాంగ్ ప్రోమో రిలీజ్
అద్భుతమైన టీజర్ విడుదల
రీరిలీజ్‌కు సంబంధించిన టీజర్ను మేకర్స్ తాజాగా విడుదల చేశారు. “పదేళ్ల క్రితం భారతీయ సినిమాలో ఓ కథ పునర్నిర్వచించబడింది” అనే పవర్‌ఫుల్ డైలాగ్‌తో ప్రారంభమైన ఈ టీజర్ ఆకట్టుకుంటోంది.
మాహిష్మతి సామ్రాజ్యం, కాళకేయులతో యుద్ధ సన్నివేశాలు, బాహుబలి-దేవసేన ప్రేమకథ, కట్టప్ప బాహుబలిని చంపే దృశ్యం… వంటి ముఖ్యమైన ఘట్టాలను టచ్ చేస్తూ ఈ టీజర్ను కట్ చేశారు.
విజువల్ క్వాలిటీ అద్భుతంగా ఉన్న ఈ సినిమా, ఈసారి ఐమాక్స్ (IMAX) తో పాటు 4DX, ఎక్స్ బాక్స్ వంటి ఇతర అత్యాధునిక వెర్షన్లలో కూడా విడుదలయ్యే అవకాశం ఉంది.
ప్రభాస్, రానా ప్రధాన పాత్రల్లో నటించిన ఈ మాహిష్మతి సామ్రాజ్య కథ, మరోసారి బాక్సాఫీస్ వద్ద సంచలనం సృష్టించడం ఖాయమని సినీ అభిమానులు ఆశిస్తున్నారు.