Gautam Gambhir: భారత క్రికెట్ జట్టు హెడ్ కోచ్‌గా బాధ్యతలు నిర్వహిస్తున్న మాజీ క్రికెటర్, మాజీ లోక్‌సభ సభ్యుడు గౌతమ్ గంభీర్కు షాకింగ్ బెదిరింపులు ఎదురయ్యాయి. అంతర్జాతీయ ఉగ్రవాద సంస్థ అయిన ISIS కశ్మీర్ పేరుతో గంభీర్కు వరుసగా బెదిరింపు మెసేజ్‌లు వస్తున్నాయి. ఈ మెసేజ్‌లను చూసి ఒక్కసారిగా షాక్‌కు గురైన గంభీర్ వెంటనే ఢిల్లీ పోలీసులను ఆశ్రయించారు.
ఈమెయిల్ ద్వారా వచ్చిన ఈ బెదిరింపుల్లో, “నిన్ను, నీ కుటుంబాన్ని హతమారుస్తాం… నీ ఇంటిముందే బాంబు పేలుస్తాం” అంటూ స్పష్టమైన హెచ్చరికలు ఉన్నట్లు తెలుస్తోంది. గత కొన్ని రోజులుగా ఈ రకమైన సందేశాలు గంభీర్కు మెయిల్ రూపంలో వస్తున్నాయని ఆయన పోలీసులకు తెలిపారు.
ఈ పరిణామాల నేపథ్యంలో ఢిల్లీ పోలీసులు వెంటనే స్పందించారు. గంభీర్ నివాసానికి బలమైన భద్రత ఏర్పాటు చేశారు. ఆయన కుటుంబానికి ప్రత్యేక భద్రత కల్పించారు. అలాగే ఈ ఇమెయిల్‌ల మూలాన్ని గుర్తించేందుకు సైబర్ క్రైమ్ శాఖ గట్టి ప్రయత్నాలు చేస్తోంది. ప్రాథమిక దర్యాప్తులో ఈ బెదిరింపులు విదేశాల నుంచి వచ్చినట్లు అనుమానాలు వ్యక్తమవుతున్నాయి. ముఖ్యంగా పాకిస్థాన్ లేదా మిడిలీస్ట్ ప్రాంతాల నుంచి ఈ మాయ మెసేజ్‌లు వచ్చి ఉండొచ్చని అధికారులు భావిస్తున్నారు.
ఇటీవలి కాలంలో గంభీర్కు రాజకీయాల్లోనే కాకుండా క్రికెట్ రంగంలోనూ అనేక కొత్త బాధ్యతలు వచ్చాయి. ఈ తరుణంలో ఇలా ప్రాణహానికరమైన బెదిరింపులు రావడం ఆందోళన కలిగిస్తోంది. దేశవ్యాప్తంగా గంభీర్ అభిమానులు అతనికి మద్దతుగా నిలుస్తూ, ప్రభుత్వం వెంటనే చర్యలు తీసుకోవాలని డిమాండ్ చేస్తున్నారు.
Former BJP MP and current head coach of the Indian cricket team, Gautam Gambhir, received a death threat from ‘ISIS Kashmir’. On Wednesday, he approached the Delhi Police, filing a formal complaint for an FIR and seeking measures to safeguard his family’s security: Office of… pic.twitter.com/MEG26UIwFh
— ANI (@ANI) April 24, 2025