Talasani Sai Kiran: యంగ్ హీరో విశ్వక్ సేన్ మరో సినిమాతో ప్రేక్షకుల ముందుకు రాబోతున్నాడు. ‘కల్ట్’ టైటిల్‌తో రిజిస్టర్ అయిన ఈ చిత్రం ఇప్పటికే సినీ వర్గాల్లో హాట్ టాపిక్‌గా మారింది. తెలంగాణ మాజీ మంత్రి, సినిమాటోగ్రఫీ మంత్రిగా పనిచేసిన తలసాని శ్రీనివాస్ యాదవ్ కుమారుడు సాయి ఈ చిత్రాన్ని నిర్మిస్తున్నారు. బీఆర్‌ఎస్ పార్టీ నేత కుమారుడిగా సాయి సినీ రంగంలోకి గ్రాండ్ ఎంట్రీ ఇస్తుండటం విశేషం.
ప్రస్తుతం ఈ సినిమా ప్రీ-ప్రొడక్షన్ పనులు శరవేగంగా సాగుతున్నాయి. దర్శకుడు, ఇతర తారాగణం వివరాలు ఇంకా బయటకు రాలేదు కానీ, త్వరలోనే మేకర్స్ అధికారిక ప్రకటన చేయనున్నారు. విశ్వక్ సేన్ గత చిత్రాలు ‘ఫలక్‌నుమా దాస్’, ‘గామి’ వంటివి ప్రేక్షకులను ఆకట్టుకున్న నేపథ్యంలో ‘కల్ట్’పై అంచనాలు ఆకాశాన్నంటుతున్నాయి. ఈ సినిమా విశ్వక్ కెరీర్‌లో మరో మైలురాయిగా నిలుస్తుందని అభిమానులు ఆశిస్తున్నారు.