Supreme court: దేశంలోని దేవాలయాలు-మసీదుల వివాదాలపై సుప్రీంకోర్టులో గురువారం విచారణ జరిగింది. ఇలాంటి కేసుల్లో కోర్టులు ఎలాంటి ఆదేశాలు ఇవ్వకూడదని, సర్వేకు ఆదేశాలు జారీ చేయకూడదని కోర్టు పేర్కొంది. పూజా స్థలాల చట్టం – ప్రత్యేక నిబంధనలు 1991లోని కొన్ని సెక్షన్‌ల చెల్లుబాటుపై దాఖలైన పిటిషన్‌లను సుప్రీంకోర్టు 3-సభ్య ధర్మాసనం విచారిస్తోంది. సీపీఐ-ఎం, ఇండియన్ ముస్లిం లీగ్, ఎన్సీపీ శరద్ పవార్, ఆర్జేడీ ఎంపీ మనోజ్ కుమార్ ఝా సహా ఆరు పార్టీలు ఈ చట్టానికి వ్యతిరేకంగా పిటిషన్ దాఖలు చేశాయి.
“మేము ఈ చట్టం పరిధిని, అధికారాలను, నిర్మాణాన్ని పరిశీలిస్తున్నాము, అటువంటి పరిస్థితిలో, అన్ని ఇతర కోర్టులు ఈ విషయంలో దూరంగా ఉండడం మంచిది” అని బెంచ్ పేర్కొంది.
ఇది కూడా చదవండి: World Chess Championship 2024: ప్రపంచ చెస్ ఛాంపియన్‌ షిప్ లో గ్రాండ్ మాస్టర్ గుకేశ్ సంచలనం..
Supreme court: విచారణ సందర్భంగా, CJI సంజీవ్ ఖన్నా మాట్లాడుతూ- మా ముందు రెండు కేసులు ఉన్నాయి. మథురలోని షాహి ఈద్గా, వారణాసిలోని జ్ఞాన్వాపి మసీదు అని చెప్పారు. దేశంలో ఇలాంటి 18కి పైగా కేసులు పెండింగ్‌లో ఉన్నాయి. వీటిలో 10 మసీదులకు సంబంధించినవి. ఈ పిటిషన్లపై 4 వారాల్లోగా తమ వైఖరిని తెలియజేయాలని కేంద్ర ప్రభుత్వాన్ని సుప్రీంకోర్టు ఆదేశించింది.
కేంద్రం తన సమాధానం ఫైల్ చేసేవరకూ ఈ కేసులో మేము ఏమీ వినలేము. అందువల్ల మా తదుపరి ఉత్తర్వులు వచ్చేంత వరకు అలాంటి కొత్త కేసులేమీ నమోదు చేయకూడదు అంటూ CJI సంజీవ్ ఖన్నా స్పష్టం చేశారు.