Mahesh Babu: సూపర్ స్టార్ మహేష్ బాబు గుండె సమస్యలతో బాధపడే చిన్నారులకు దేవుడిలా మారాడు. ఆంధ్రా హాస్పిటల్స్తో కలిసి మహేష్ బాబు ఫౌండేషన్ ద్వారా ఇప్పటి వరకు 4500 మందికి పైగా పిల్లలకు ఉచిత హార్ట్ సర్జరీలు చేయించారు. తాజాగా మరో ఇద్దరు చిన్నారుల ప్రాణాలను కాపాడి మానవత్వానికి మరోసారి ముందడుగు వేశారు. రెండేళ్ల నాగుల్ మీరా, నాలుగు నెలల చిన్నారి రఘువీర్.. పుట్టినప్పటి నుంచి గుండె జబ్బుతో ఇబ్బంది పడుతున్నారు. దాంతో ఈ బాలల తల్లిదండ్రులు మహేష్ ఫౌండేషన్ను ఆశ్రయించారు. ఆంధ్రా హాస్పిటల్స్లో ఈ ఇద్దరికీ విజయవంతంగా ఆపరేషన్లు జరిగాయి. ఈ సందర్భంగా MB ఫౌండేషన్ సోషల్ మీడియాలో చిన్నారులు, వారి తల్లిదండ్రుల ఫొటోలను షేర్ చేసింది. “మా పిల్లలకు కొత్త జీవనం ఇచ్చారు” అంటూ తల్లిదండ్రులు మహేష్ను కొనియాడుతున్నారు. సినిమాలతో పాటు సమాజ సేవలోనూ మహేష్ దూసుకెళ్తున్నారు. ఈ కార్యక్రమం ద్వారా ఎందరో పేద కుటుంబాల కన్నీళ్లు తుడిచి, వారి ముఖంలో చిరస్థాయిగా చిరునవ్వులు నింపుతున్నారు. మహేష్ బాబు ఫౌండేషన్ నిజంగా ఓ ప్రాణదాతగా నిలుస్తోంది.
Heartfelt Recoveries ❤️🩹
Two young warriors were diagnosed with congenital heart conditions and, with the expert care from @andhrahospital1 , underwent successful heart surgeries. 💙
Both children are now on their way to a healthier and brighter future! 🌟#MBForSavingHearts pic.twitter.com/VfWYujXJsW— Mahesh Babu Foundation (@MBfoundationorg) April 2, 2025