Sugarcane vs Coconut Water : వేడి తీవ్రంగా పెరిగిన వేళ, బయట తిరిగే వారందరికీ చల్లదనాన్ని అందించే పానీయాలపై విపరీతమైన డిమాండ్ కనిపిస్తోంది. ముఖ్యంగా చెరకు రసం, కొబ్బరి నీళ్లకు ఈ సీజన్లో మంచి మార్కెట్ ఏర్పడింది. వీటిని రోడ్ల పక్కన చిన్న స్టాల్స్ వద్ద సులభంగా పొందొచ్చు. అయితే ఈ రెండు పానీయాల్లో ఆరోగ్యపరంగా ఏది మెరుగైనదో అన్నదానిపై ప్రజల్లో సందేహం నెలకొంది.
కొబ్బరి నీళ్లు – ఆరోగ్యానికి ఎక్కువ మేలు
కొబ్బరి నీళ్లు వేసవిలో శరీరానికి చల్లదనాన్ని కలిగించడమే కాకుండా, హైడ్రేషన్లో కీలక పాత్ర పోషిస్తాయి. ఇందులో విటమిన్ C, మెగ్నీషియం లాంటి పోషకాలు పుష్కలంగా ఉండడం వల్ల ఇది శరీరానికి అవసరమైన మినరల్స్ను అందించగలదు. జీర్ణక్రియను మెరుగుపరచడంలో సహాయపడుతుంది. రక్తపోటు నియంత్రణ, బరువు నియంత్రణ, చర్మ ఆరోగ్యం వంటి అనేక లాభాలు కొబ్బరి నీళ్ల వల్ల లభిస్తాయని న్యూట్రిషనిస్టులు చెబుతున్నారు.
చెరకు రసం – శక్తిని చేకూర్చే పానీయం
చెరకు రసం కూడా వేసవిలో శరీరానికి శక్తిని త్వరగా అందించగలదు. ఇందులో ఐరన్, జింక్, మాంగనీస్, పొటాషియం వంటి అనేక పోషకాలు ఉంటాయి. ఇది శరీరాన్ని డిటాక్స్ చేయడంలో సహాయపడుతుంది. అంతేకాకుండా యాంటీఆక్సిడెంట్లు అధికంగా ఉండటం వల్ల కాలేయానికి రక్షణ కల్పించగలదు. అయితే దీనిలో చక్కెర శాతం ఎక్కువగా ఉండటం వల్ల మధుమేహం ఉన్నవారు తాగడం సమంజసం కాదని వైద్యులు హెచ్చరిస్తున్నారు.
Also Read: Blue Tea: బ్లూ టీ తాగడం వల్ల ఎన్ని ప్రయోజనాలో తెలుసా..!
Sugarcane vs Coconut Water: వైద్య నిపుణుల సూచనల ప్రకారం, సాధారణ ఆరోగ్య పరిస్థితిలో ఉన్నవారు రెండు పానీయాలు తగిన పరిమితిలో తీసుకోవచ్చు. కానీ మధుమేహం ఉన్నవారు చెరకు రసం తగ్గించి, కొబ్బరి నీళ్లకు ప్రాధాన్యత ఇవ్వడం మంచిదని వారు సూచిస్తున్నారు. అలాగే, అధిక బరువు ఉన్నవారు కూడా చెరకు రసాన్ని తరచూ తీసుకోవడం మంచిది కాదని చెబుతున్నారు.
చెక్కిన రహస్యమిదే – ఏ పానీయం అయినా మితంగా తీసుకుంటే మంచిదే. అయితే వేసవి రోజుల్లో ఎండల నుంచి రక్షణగా నిలిచే కొబ్బరి నీళ్లు హైడ్రేషన్ అవసరాలను తీర్చడంలో ఎక్కువ ప్రయోజనకరంగా ఉంటాయని నిపుణుల అభిప్రాయం. మీ ఆరోగ్య పరిస్థితిని బట్టి, ఈ వేసవిలో మీరు ఏ పానీయం ఎంచుకోవాలో నిర్ణయించుకోండి.
గమనిక: ఇక్కడ ఇచ్చిన ఆర్టికల్ ఇంటర్నెట్ లో అందుబాటులో ఉన్న సమాచారం ఆధారంగా ఇచ్చింది. సంబంధిత విషయాలపై ఆసక్తి ఉన్న పాఠకుల కోసం అందించడం జరిగింది. ఈ ఆర్టికల్ లోని అంశాలను ఫాలో అయ్యే ముందు మీ ఫ్యామిలీ డాక్టర్ ను సంప్రదించాల్సిందిగా మహా న్యూస్ సూచిస్తోంది.