Study Tips: పిల్లల భవిష్యత్తు ఉజ్వలంగా ఉండాలంటే వారిని బాగా చదివించాలి. ఒక్కోసారి పిల్లలు ఆటలో మునిగిపోయి చదువును పట్టించుకోరు. తల్లిదండ్రులు పట్టుబట్టినా సరిగ్గా చదవరు. ఇలాంటి సమయంలో తల్లిదండ్రులు పిల్లలను తిట్టడం లేదా ఒత్తిడి చేయడంతో వారికి చదువుపై ఉన్న కాస్త ఆసక్తి కూడా పోతుంది. అయితే పిల్లలకు చదువుపై ఆసక్తి కలిగేలా కొన్ని పనులు చేయాల్సి ఉంటుంది. అవి ఏంటో ఇప్పుడు తెలుసుకుందాం..
మొదట పిల్లలు చేసే చిన్న చిన్న పనులను మెచ్చుకోవాలి. ఎందుకంటే ప్రతి బిడ్డ తల్లిదండ్రుల నుండి ఆశించేది ఇదే. మీరు పిల్లలను అభినందిస్తే వారి మనస్సు బలంగా మారుతుంది. వారు ఉత్సాహంతో చదవడానికి ఆసక్తి చూపిస్తారు.
ఇది కూడా చదవండి: Amaran: బాలీవుడ్ కు అమరన్ దర్శకుడు
టైమ్ షెడ్యూల్
Study Tips: పిల్లలు చదువుకోవడానికి ఒక టైమ్ టేబుల్ సెట్ చేయాలి. పిల్లలకు చదవడానికి నిర్ణీత సమయం ఉంటే వారు ప్రతిరోజూ దానికి కట్టుబడి ఉంటారు. వారి పూర్తి దృష్టి చదవడంపై ఉంటుంది. ముఖ్యంగా పిల్లలను 45 నిమిషాల కంటే ఎక్కువ చదవనివ్వవద్దు.
ఇతరులతో పోల్చవద్దు..
Study Tips: ఇది చాలా మంది తల్లిదండ్రులు చేసే తప్పు. చాలా మంది తల్లిదండ్రులు తమ పిల్లలను ఇతర పిల్లలతో లేదా వారి స్నేహితులతో పోల్చి పిల్లలు బాగా చదువుకోవాలని చెబుతారు. కానీ తల్లిదండ్రులు చేసే ఈ పని వల్ల పిల్లలు చదువులకు దూరమవుతున్నారు. కాబట్టి తల్లిదండ్రులు ఈ పద్ధతిని వదిలివేయాలి.
ఇది కూడా చదవండి: Adilabad: మంత్రి పదవిపై కాక రేపుతున్న ఆదిలాబాద్‌ జిల్లా రాజకీయం
చదువుపై ఒత్తిడి చేయొద్దు..
Study Tips: పిల్లలను బాగా చదివేలా ప్రోత్సహించాలి తప్ప చదవమని ఒత్తిడి చేయకూడదు. ఇది వారిని ప్రతికూలంగా ప్రభావితం చేస్తుంది. పిల్లలు చదువు భారంగా భావిస్తారు. కాబట్టి తల్లిదండ్రులు తమ పిల్లలను చదివమని ఒత్తిడి చేయకూడదు.
యోగా – ధ్యానం:
Study Tips: చదవడం వల్ల మానసిక ఒత్తిడికి గురికాకుండా ఉండాలంటే యోగా, మెడిటేషన్‌లో పిల్లలను చేర్చండి. ఇది వారి మనస్సును ప్రశాంతంగా ఉంచుతుంది. మెదడు బాగా పని చేస్తుంది. అలాగే పిల్లలకు ఆరోగ్యకరమైన ఫుడ్ అందించాలి.