SP Balasubrahmanyam: హైదరాబాద్ రవీంద్రభారతి ప్రాంగణంలో సినీ గాయకుడు, సంగీత దిగ్గజం ఎస్పీ బాలసుబ్రహ్మణ్యం విగ్రహాన్ని ఘనంగా ఆవిష్కరించారు. ఈ కార్యక్రమం ఒక పండుగ వాతావరణాన్ని తలపించింది. ఎస్పీ బాలు అంటే ఎంతో ప్రేమ ఉన్న అభిమానులు, కళాకారులు పెద్ద సంఖ్యలో తరలివచ్చారు.
ఈ విగ్రహావిష్కరణ వేడుకకు అనేకమంది ప్రముఖులు హాజరయ్యారు. ముఖ్యంగా, మన మాజీ ఉపరాష్ట్రపతి శ్రీ వెంకయ్యనాయుడు, హరియాణా మాజీ గవర్నర్ శ్రీ బండారు దత్తాత్రేయ, రాష్ట్ర మంత్రి శ్రీధర్బాబు మరియు బీజేపీ తెలంగాణ అధ్యక్షుడు రామచందర్రావుతో పాటు ఇతర ముఖ్య అతిథులు పాల్గొన్నారు. ఈ సందర్భంగా వారందరూ ఎస్పీ బాలు తెలుగు సినిమాకు, సంగీతానికి చేసిన సేవలను గుర్తుచేసుకున్నారు.
7.2 అడుగుల ఎత్తు ఉన్న ఎస్పీ బాలు కాంస్య విగ్రహాన్ని ప్రత్యేకంగా తూర్పుగోదావరి జిల్లాలో తయారు చేయించారు. ఈ విగ్రహం చూసేందుకు చాలా అద్భుతంగా, బాలు గొప్పదనాన్ని ప్రతిబింబించేలా ఉంది. విగ్రహావిష్కరణలో భాగంగా రవీంద్ర భారతిలో సాంస్కృతిక కార్యక్రమాలు ఆకట్టుకున్నాయి. బాలసుబ్రహ్మణ్యంకు ఇష్టమైన 20 పాటలతో ఇవాళ సాయంత్రం 50 మందితో సంగీత విభావరి కార్యక్రమం ఏర్పాటు చేశారు.