Varun Tej: వరుణ్ తేజ్ తన 15వ చిత్రం VT15తో ప్రేక్షకులను అలరించేందుకు సిద్ధమవుతున్నాడు. దర్శకుడు మేర్లపాక గాంధీ రూపొందిస్తున్న ఈ ఇండో-కొరియన్ హార్రర్ కామెడీ చిత్రం వినూత్న కథాంశంతో రూపొందుతోంది. ఇప్పటికే హైదరాబాద్, అనంతపురం, విదేశీ లొకేషన్లలో మూడు షెడ్యూళ్లు పూర్తి చేసిన ఈ సినిమా, ఇండియా-కొరియా సంస్కృతుల సమ్మేళనంతో విజువల్ ట్రీట్‌ను అందించనుంది. సంగీత దర్శకుడు థమన్ ఈ చిత్రానికి అద్భుతమైన సంగీతాన్ని అందిస్తున్నారు. ఇప్పటికే రెండు ఎనర్జిటిక్ సాంగ్స్ చిత్రీకరణ పూర్తయింది. రితికా నాయక్ హీరోయిన్‌గా, సత్య హాస్య పాత్రలో నటిస్తున్నారు. యువి క్రియేషన్స్, ఫస్ట్ ఫ్రేమ్ ఎంటర్‌టైన్‌మెంట్స్ నిర్మిస్తున్న ఈ చిత్రం షూటింగ్ దాదాపు 80 శాతం పూర్తయింది. త్వరలో టైటిల్, ఫస్ట్ లుక్ విడుదల కానున్నాయి.
