Champion Glimpse: ప్రముఖ టాలీవుడ్ నటుడు శ్రీకాంత్ తనయుడు రోషన్ ‘నిర్మలా కాన్వెంట్’ మూవీతో టాలీవుడ్‌లోకి ఎంట్రీ ఇచ్చాడు. ఇక ‘పెళ్లిసందడి’ చిత్రంతో హీరోగా హిట్ కొట్టి తన మార్క్ వేసుకున్నాడు ఈ యంగ్ హీరో. ఇప్పుడు తన నెక్స్ట్ చిత్రాన్ని ప్రతిష్టాత్మకమైన వైజయంతి మూవీస్ బ్యానర్‌లో చేస్తున్నాడు రోషన్.
ఈ సినిమాను ప్రదీప్ అద్వైతం డైరెక్ట్ చేస్తున్నాడు.ఈ సినిమాను ప్రియాంక దత్, జికె.మోహన్, జెమిని కిరణ్ సంయుక్తంగా ప్రొడ్యూస్ చేస్తున్నారు.తాజాగా ఈ మూవీ నుంచి వీడియో గ్లింప్స్‌ను రోషన్ పట్టినరోజు సందర్భంగా రిలీజ్ చేశారు మేకర్స్. ఇక ఈ గ్లింప్స్‌లో రోషన్ సరికొత్త మేకోవర్‌తో కనిపిస్తున్నాడు.
Also Read: Jack Movie: జాక్ కోసం పుష్ప 2 మ్యూజిక్ డైరెక్టర్?
ఫుట్ బాల్ నేపథ్యంలో పీరియాడిక్ స్పోర్ట్స్ డ్రామాతో రోషన్ ప్రేక్షకుల ముందుకు రాబోతున్నాడు. 90ల కాలం నాటి స్పోర్ట్స్ డ్రామాగా ఈ సినిమా ప్రేక్షకులను అలరించేందుకు సిద్ధమవుతుంది. ఈ సినిమాకు మిక్కీ జే మేయర్ సంగీతం మేజర్ అసెట్‌గా నిలవనున్నట్లు ఈ గ్లింప్స్ చెబుతోంది. సినిమాలోని నటీనటుల వివరాలు ఇంకా వెల్లడించాల్సి ఉంది.