Hyderabad: ఏమైంది. ఆ ఇల్లాలు ఎందుకు చనిపోయింది. ప్రేమించి పెళ్లి చేసుకున్న ఆ జంట..పెళ్ళైన ఆరు నెల్లకే గొడవలతో జీవితాన్ని నాశనం చేసుకుందా? అందుకు కారణం ఎవరు ? పెళ్ళికి ముందు ఉన్న ప్రేమ పెళ్లి తర్వాత …పాతది అయిపోయిందా ? ఇలా ఎన్నో అనుమానాలు. కట్నం కోసమే టార్చరా ? లేక వేరే కోణం కూడా ఉందా.
ఆరునెలల క్రితం గోవాలో ప్రేమించిన వ్యక్తితో పెళ్లి, ఓ మంచి అపార్ట్మెంట్ లో కాపురం, భార్య భర్తలిద్దరికీ ఒకే కంపెనీలో సాఫ్ట్ వేర్ ఉద్యోగం. అబ్బా.. ఎంత హ్యాపీ లైఫ్ అనుకుంటున్నారు కదా..? కానీ ఇంతలోనే కథ ఊహించని మలుపు తిరిగింది. పెళ్ళైన ఆరునెలలకే అమ్మాయి ఇంట్లో ఫ్యాన్ కి ఉరేసుకొని చనిపోయింది. ఈ విషాదకర ఘటన హైదరాబాద్ రాయదుర్గం పరిధిలోని ప్రశాంతిహిల్స్ లోని అపార్ట్మెంట్ లో చోటుచేసుకుంది.
వికారాబాద్ జిల్లా తోర్ మామిడికి చెందిన కమలాపురం దేవిక, మంచిర్యాలకు చెందిన సద్గుర్తి సతీశ్ చంద్ర ఒకే సంస్థలో సాఫ్ట్ వేర్ ఉద్యోగులుగా పనిచేస్తున్నారు. ఈ క్రమంలో వీరిద్దరి మధ్య ఏర్పడిన పరిచయం ప్రేమగా మారింది. దీంతో ఇరువైపు కుటుంబాలను ఒప్పించి గతేడాది ఆగస్టు 23న గోవాలో ఘనంగా పెళ్లి చేసుకున్నారు.
ఆ తర్వాత రాయదుర్గం పరిధిలోని ప్రశాంతిహిల్స్ లోని ఓ అపార్ట్మెంట్ లో కాపురం పెట్టారు. అయితే పెళ్ళైన కొద్ది రోజులకే భార్య భర్తలిద్దరి మధ్య మస్పర్థలు, గొడవలు మొదలయ్యాయి. ఇలా రాత్రి 11 గంటల సమయంలో దేవిక, సతీష్ ఇంట్లో గొడవ పడ్డారు. దీంతో మనస్థాపానికి గురైన దేవిక గదిలోకి వెళ్లి గడియ పెట్టుకుంది. ఆ తర్వాత సతీష్ కూడా బయటకు వెళ్లి అర్ధరాత్రి 12 గంటల తర్వాత తిరిగి వచ్చాడు.
Also Read: Side Effects Of Removing Acne: మొటిమలు రావడానికి కారణాలివే
ఇంటికొచ్చిన సతీష్ దేవిక గది తలుపులను పెట్టి ఉంచడంతో.. నిద్రపోయిందనుకొని సతీష్ మరో గదిలోకి వెళ్లి నిద్రపోయాడు. ఆ తర్వాత తెల్లవారుజామున మరోసారి భార్య తలుపు తట్టాడు. అప్పటికి కూడా దేవిక స్పందించలేదు. పని మనిషి వచ్చాక తలుపు కొట్టినా తీయలేదు. ఆ తర్వాత 10 గంటలకు ఆఫీస్ కి వెళ్లాల్సి ఉండగా, అప్పటికీ తలుపు తీయలేదు.
దీంతో అనుమానం వచ్చిన సతీష్ తలుపు బద్దలు కొట్టి చూడగా.. దేవిక ఫ్యాన్ కి ఉరేసుకొని కనిపించింది. అనంతరం ఘటన స్థలానికి చేరుకున్న పోలీసులు పోస్ట్ మార్టం నిమిత్తం ఉస్మానియా ఆస్పత్రికి తరలించారు. భర్త సతీష్ కట్న వేధింపులు తట్టుకోలేక తన కూతురు ఆత్మహత్య చేసుకుందని దేవిక తల్లి ఫిర్యాదు చేసింది. ఈ మేరకు కేసు నమోదు చేసిన పోలీసులు దర్యాప్తు చేపట్టారు.