Silver price: బులియన్ మార్కెట్లో వెండి ధర భారీగా పతనమైంది. ఒక్క రోజులోనే కిలో వెండి ధర రూ.21,500 మేర తగ్గింది. ఈ తగ్గుదలతో ప్రస్తుతం కిలో వెండి ధర రూ.2,33,120కి చేరింది.
అంతర్జాతీయ మార్కెట్లలో వెండి ధరలపై ఒత్తిడి పెరగడం, డాలర్ బలపడటం, అలాగే పెట్టుబడిదారులు లాభాల స్వీకరణకు మొగ్గుచూపడం వంటి కారణాలతో దేశీయ మార్కెట్లో ఈ భారీ పతనం నమోదైనట్లు వ్యాపార వర్గాలు పేర్కొంటున్నాయి.
ఇటీవలి రోజుల్లో వెండి ధరలు గణనీయంగా పెరగడంతో కొనుగోలుదారులు కొంత వెనుకడుగు వేయడం కూడా ధరలపై ప్రభావం చూపినట్లు తెలుస్తోంది. రానున్న రోజుల్లో అంతర్జాతీయ పరిస్థితులు, ఇండస్ట్రియల్ డిమాండ్ ఆధారంగా వెండి ధరల్లో మరిన్ని మార్పులు చోటుచేసుకునే అవకాశం ఉందని మార్కెట్ నిపుణులు అంచనా వేస్తున్నారు.