Tirupati: తిరుపతి జిల్లా, కేవీబీ పురం మండలంలో వావి వరసలు మరిచిన ఓ మహిళ వ్యవహారం స్థానికంగా తీవ్ర చర్చనీయాంశంగా మారింది. ఏకంగా తన అల్లుడినే వివాహం చేసుకోవడానికి యత్నించిన అత్త, ఈ ప్రయత్నాన్ని అడ్డుకున్నందుకు కన్న కూతురిపైనే రోకలి బండతో దాడికి పాల్పడింది. ఈ దారుణ ఘటన తాజాగా వెలుగులోకి వచ్చింది.
వివాహేతర సంబంధమే కారణం:
పోలీసులు తెలిపిన వివరాల ప్రకారం, కేవీబీ పురం గ్రామానికి చెందిన ఓ 15 ఏళ్ల మైనర్ బాలిక, ఐదు నెలల క్రితం 18 ఏళ్ల బాలుడిని ప్రేమ వివాహం చేసుకుంది. బాలిక తండ్రి చనిపోవడంతో, ఆమె 40 ఏళ్ల తల్లి కూడా ఈ దంపతులతో కలిసి ఒకే ఇంట్లో ఉంటోంది. ఈ క్రమంలో, అల్లుడితో అత్తకు వివాహేతర సంబంధం ఏర్పడింది. ఈ అక్రమ సంబంధం ముదిరి, అత్తా-అల్లుడు ఇద్దరూ భార్య ఇంట్లో ఉండగానే పెళ్లి చేసుకోవాలని నిర్ణయించుకున్నారు.
Also Read: Proddatur: కన్న తల్లిని అతి కిరాతకంగా చంపిన కొడుకు: కడపలో దారుణం!
కూతురిపై అమానుష దాడి:
మొన్న రాత్రి అల్లుడు తన తల్లి మెడలో తాళి కట్టబోతుండగా, అది చూసిన కూతురు అడ్డుకుని, భర్తతో వాగ్వాదానికి దిగింది. తమ పెళ్లి ప్రయత్నాన్ని కూతురు అడ్డుకోవడంతో, ఆగ్రహించిన తల్లి, భర్త ఇద్దరూ కలిసి బాలికపై రోకలి బండతో విచక్షణారహితంగా దాడి చేశారు. ఈ దాడిలో బాలిక తీవ్రంగా గాయపడింది.
బాలిక కేకలు విన్న స్థానికులు వెంటనే అక్కడికి చేరుకున్నారు. తీవ్ర గాయాలతో పడి ఉన్న బాలికను రక్షించి ఆసుపత్రికి తరలించారు. అనంతరం, వావీ వరసలు మరిచిన అత్త, అల్లుడు ఇద్దరికీ దేహశుద్ధి చేసి, పోలీసులకు అప్పగించారు. ఈ ఘటనపై పోలీసులు కేసు నమోదు చేసి, నిందితులను అదుపులోకి తీసుకున్నారు. ప్రస్తుతం దర్యాప్తు జరుగుతోంది. ఈ సంఘటన సమాజంలో రక్తసంబంధాలు, నైతిక విలువలు ఎంతగా దిగజారుతున్నాయో తెలియజేస్తుందని స్థానికులు విస్మయం వ్యక్తం చేశారు.