Bollywood: షారుఖ్- అజయ్ లకు కోర్టు నోటీసు; ఆరోపణ: పాన్ మసాలా ప్రకటనలో కుంకుమపువ్వు ఉందని
తప్పుదారి పట్టించినందుకు జైపూర్ వినియోగదారుల కోర్టు బాలీవుడ్ నటులు షారుఖ్ ఖాన్, అజయ్ దేవగన్, టైగర్ ష్రాఫ్ లకు నోటీసులు పంపింది . మార్చి 19న ముగ్గురు నటులు, జెబి ఇండస్ట్రీస్ చైర్మన్ విమల్ కుమార్ హాజరు కావాలని కోర్టు ఆదేశించింది. కుంకుమపువ్వు పేరుతో పాన్ మసాలా కొనడానికి ప్రజలను ఆకర్షిస్తున్నారని, అయితే అందులో కుంకుమపువ్వు అస్సలు లేదని వీరిపై ఆరోపిస్తూ వారిపై కేసు నమోదు అయింది.
ఈ కేసులో ముగ్గురు నటులు కోర్టులో తమ సమాధానాన్ని దాఖలు చేయాల్సి ఉంటుంది. రెండు పక్షాల వాదనలు విన్న తర్వాతే కోర్టు తన నిర్ణయం వెలువరిస్తుంది. వినియోగదారుల రక్షణ చట్టం 2019 ప్రకారం, ఏదైనా కంపెనీ తప్పుడు వ్యాపార పద్ధతులకు పాల్పడితే, దానిని కోర్టులో సవాలు చేయవచ్చు. ఈ సందర్భంలో, ప్రమోషన్ తప్పుదారి పట్టించిందని కోర్టు భావిస్తే, ఆ ప్రకటనను నిషేధించవచ్చు. ప్రచారం వల్ల ఎవరికైనా వ్యక్తిగత నష్టం జరిగి ఉంటే, వారికి పరిహారం చెల్లించాలని కూడా ఆదేశించవచ్చు.
జిల్లా వినియోగదారుల వివాదాల పరిష్కార కమిషన్ (వినియోగదారుల కోర్టు) చైర్మన్ గ్యార్సి లాల్ మీనా, సభ్యురాలు హేమలత అగర్వాల్ మార్చి 5న విచారణ నిర్వహించారు. తదుపరి విచారణ తేదీని మార్చి 19 ఉదయం 10 గంటలకు నిర్ణయించారు. మీరు స్వయంగా లేదా మీ అధీకృత ప్రతినిధి ద్వారా హాజరు కాకపోతే, ఏకపక్ష నిర్ణయం తీసుకోవడం జరుగుతుందని నోటీసుల్లో కోర్టు పేర్కొంది.
ఇది కూడా చదవండి: Actress Ranya Rao: రన్యారావు కేసు కీలక మలుపు.. ఆమె శరీరంపై గాయాలు
ఫిర్యాదు చేసిన వ్యక్తి యోగేంద్ర సింగ్ బడియాల్ మాట్లాడుతూ పాన్ మసాలా యాడ్ లో ప్రతి గింజకు కుంకుమపువ్వు శక్తి ఉందని చెప్పారు. ఇలాంటి ప్రకటనలతో జెబి ఇండస్ట్రీస్ కోట్ల రూపాయలు సంపాదిస్తోంది. సామాన్య ప్రజలు క్రమం తప్పకుండా పాన్ మసాలా తీసుకుంటున్నారు. ఇది ఆరోగ్యానికి హానికరం అలాగే క్యాన్సర్ వంటి తీవ్రమైన వ్యాధులకు కారణమవుతుందని చెప్పారు.
తప్పుడు సమాచారాన్ని వ్యాప్తి చేసి, సాధారణ ప్రజలను మోసం చేసినందుకు తయారీ సంస్థ ఉత్పత్తిని ప్రోత్సహించడంలో పాల్గొన్న వారిపై చర్యలు తీసుకోవాలని యోగేంద్ర సింగ్ బడియాల్ డిమాండ్ చేశారు. తప్పుడు ప్రచారం -ప్రచారాల కారణంగా, సాధారణ ప్రజల ఆరోగ్యం ప్రతికూలంగా ప్రభావితమవుతోందని ఆయన ఆందోళన వ్యక్తం చేశారు.
బడియాల్ చెబుతున్న ప్రకారం, నిర్మాతలు, ప్రమోషన్‌లో పాల్గొన్న వ్యక్తులు విడివిడిగా పరోక్షంగా దీనికి బాధ్యత వహిస్తారు. న్యాయం- సాధారణ ప్రజల ప్రయోజనాల దృష్ట్యా నిందితులపై జరిమానా విధించాలని అలాగే పాన్ మసాలా ప్రకటనలు, అమ్మకాలను వెంటనే నిషేధించాలని ఫిర్యాదుదారుడు డిమాండ్ చేశారు.