Ileana: సీనియర్ హీరోయిన్ ఇలియానా డి’క్రజ్ సినిమాలకు దూరమైనా, అభిమానుల హృదయాల్లో మాత్రం దర్జాగా ఉంది. 2023లో తల్లి కావడంతో ఆమె సినీ జర్నీకి తాత్కాలిక బ్రేక్ పడింది. తాజాగా ఇన్‌స్టాగ్రామ్‌లో అభిమానులతో ముచ్చటిస్తూ ఆమె సంచలన వ్యాఖ్యలు చేసింది. ఓ నెటిజన్ ‘రైడ్ 2’లో నటించకపోవడం, కమ్‌బ్యాక్ గురించి అడగ్గా, ఇలియానా ఆసక్తికర సమాధానం ఇచ్చింది.
Ileana: ‘‘సినిమాలు నాకు ప్రాణం. ‘రైడ్’ సినిమా నాకు ఎప్పటికీ స్పెషల్. మాలిని పాత్రలో మళ్లీ నటించాలని కలలు కన్నా. దర్శకుడు రాజ్‌కుమార్ గుప్తా, అజయ్ దేవ్‌గణ్‌తో మళ్లీ పనిచేయాలనుంది. ‘రైడ్ 2’ కోసం టీమ్ నన్ను సంప్రదించింది, కానీ అదే సమయంలో నా బాబు జన్మించాడు. అందుకే ఆ ఛాన్స్ వదులుకున్నా,’’ అని ఆమె చెప్పుకొచ్చింది. త్వరలోనే సినీ రంగంలోకి రీఎంట్రీ ఇస్తానని హామీ ఇచ్చిన ఇలియానా, అభిమానుల్లో ఉత్సాహం నింపింది. ఆమె కమ్‌బ్యాక్ కోసం ఫ్యాన్స్ ఆసక్తిగా ఎదురుచూస్తున్నారు!