DILEEP DEVGAN: ప్రముఖ పాప్‌ సింగర్ దిలీప్ దేవ్గన్ తన ప్రేమ జీవితం గురించి ఓపెన్‌గా మాట్లాడారు. సోషల్ మీడియాలో వస్తున్న రూమర్లకు స్వయంగా ముగింపు పలుకుతూ, తాను జాను‌ను పెళ్లి చేసుకోబోతున్నట్టు ప్రకటించారు. సింగర్ దిలీప్ మాట్లాడుతూ, “మేము ఇద్దరం ఇష్టపడ్డాం. ఇది నిజమైన ప్రేమ. మేము ఏ తప్పు చేయలేదు.” అలాగే, తాము తీసుకున్న నిర్ణయానికి ఇరు కుటుంబాల సమ్మతిని పొందినట్టు తెలిపారు.
“మా పెళ్లికి ఇరువైపు పెద్దలు కూడా అంగీకరించారు. ఇది ఒక ఒప్పందం కాదు, ఒక సంబంధం.” ట్రోల్స్‌కు సంబంధించిన విషయంపైనా దిలీప్ తన మనసులోని మాటను స్పష్టం చేశారు. “ఎన్ని ట్రోల్స్ చేసినా మేము తట్టుకొని నిలబడతాం. మమ్మల్ని అర్థం చేసుకుని మద్దతుగా నిలిచిన వారికి మా హృదయపూర్వక ధన్యవాదాలు.” ఈ ప్రకటనతో దిలీప్, జాను జోడీ మరింతగా ప్రజల దృష్టిని ఆకర్షించగా, వారి ప్రేమ కథ సోషల్ మీడియాలో వైరల్‌గా మారింది. త్వరలోనే పెళ్లి తేదీ కూడా వెల్లడించనున్నట్లు సమాచారం.