Russia-Ukraine War: ఉక్రెయిన్ పై రష్యా జరిపిన భారీ వైమానిక దాడుల వల్ల ఆ దేశ ఇంధన మౌలిక సదుపాయాలు దెబ్బతినడంతో పాటు ప్రధాన నగరాల్లో విద్యుత్ అంతరాయం ఏర్పడింది. తూర్పు ఐరోపా దేశమైన ఉక్రెయిన్‌పై రష్యా చేస్తున్న యుద్ధం రెండున్నరేళ్లుగా కొనసాగుతోంది.
ఇరు పక్షాలు చర్చలు జరిపి శాంతి పునరుద్ధరణకు చర్యలు తీసుకోవాలని భారత్ సహా ప్రపంచ దేశాలు పట్టుబడుతున్నాయి. అయితే ఇరు దేశాల మధ్య వివాదం కొనసాగుతోంది. ఈ నేపథ్యంలో నిన్న ఉక్రెయిన్ పై రష్యా ఆకస్మిక వైమానిక దాడి చేసింది. ఒక్కసారిగా 120 క్షిపణులు, 90 ‘డ్రోన్లు’ ప్రయోగించడంతో ఉక్రెయిన్ ప్రజలు భయంతో ఉలిక్కిపడ్డారు.
ఇది కూడా చదవండి: Saudi Arabia: ఉరి శిక్షల్లో సౌదీ అరేబియా రికార్డ్.. 100 మందికి పైగా విదేశీ పౌరులకు శిక్ష!
Russia-Ukraine War: ఉక్రెయిన్ రాజధాని నగరం కీవ్, ప్రధాన నగరాలైన వోలిన్, మైకోలైవ్, జపోరిజియా, ఓడరేవు నగరం ఒడెసాపై బాంబు దాడి జరిగింది.అక్కడ కీలకమైన ఇంధన మౌలిక సదుపాయాలను లక్ష్యంగా చేసుకుని రష్యా క్షిపణులను ప్రయోగించింది. మూడు నెలల్లో అత్యంత దారుణమైన దాడులు జరగడంతో మూడు ప్రాంతాల్లో విద్యుత్ సరఫరా నిలిచిపోయింది.
ఈ సందర్భంగా అధ్యక్షుడు జెలెన్స్కీ మాట్లాడుతూ.. ‘‘ఈ దాడిలో రష్యా ఇరాన్‌లో తయారు చేసిన షాహెద్ తరహా బాలిస్టిక్ క్షిపణులను ఉపయోగించింది. వీటిలో 100కు పైగా గాలిలో ధ్వంసమయ్యాయి. ఈ దాడిలో మైకోలైవ్‌లో ఇద్దరు, ఒడెసాలో ఇద్దరు చనిపోయారు. ఇద్దరు చిన్నారులు సహా ఆరుగురు గాయపడ్డారని తెలిపారు.ఉక్రెయిన్‌పై రష్యా తన అతిపెద్ద వైమానిక దాడులను ప్రారంభించిన ఆగస్టు నుండి రెండు వైపులా యుద్ధ ఉద్రిక్తతలు పెరిగాయి.