Rukmini Vasanth: సినీ ఇండస్ట్రీలో హీరోయిన్ల పారితోషికం విషయంలో టాలీవుడ్ ఎప్పుడూ ముందుంటుంది. కన్నడ చిత్రాల్లో సాధారణంగా తక్కువ రెమ్యూనరేషన్ తీసుకునే హీరోయిన్లు, తెలుగులో మాత్రం కోట్లలో సంపాదిస్తున్నారు. ఈ క్రమంలో రుక్మిణి వసంత్ కూడా తన మార్క్ చూపించేందుకు సిద్ధమవుతోంది. ఎన్టీఆర్ హీరోగా నటిస్తున్న ఓ భారీ చిత్రం కోసం ఆమె ఏకంగా కోటిన్నర రెమ్యూనరేషన్ డిమాండ్ చేసినట్లు ఇండస్ట్రీ వర్గాల సమాచారం. నిర్మాతలు కూడా ఈ డిమాండ్‌ను అంగీకరించినట్లు తెలుస్తోంది. ప్రస్తుతం పాన్-ఇండియా సినిమాల హవా నడుస్తుండగా, స్టార్ హీరోయిన్లు 5-6 కోట్ల వరకు వసూలు చేయడం సర్వసాధారణమైంది. ఈ నేపథ్యంలో రుక్మిణి డిమాండ్ సమంజసమేనని ఇండస్ట్రీ నిపుణులు భావిస్తున్నారు. ఎన్టీఆర్ సినిమాలో నటించడం ఏ హీరోయిన్‌కైనా కెరీర్‌లో టర్నింగ్ పాయింట్. ఈ అవకాశంతో రుక్మిణికి తెలుగులో స్టార్ ఇమేజ్ సొంతమవ్వడం ఖాయమని అభిమానులు ఆశిస్తున్నారు. ఈ ప్రాజెక్ట్ ఆమె కెరీర్‌ను మరో స్థాయికి తీసుకెళ్లనుందని అంటున్నారు.
