RRR Live Concert: తెలుగు సినిమా సత్తా చాటిన ‘ఆర్ఆర్ఆర్’ మరోసారి ప్రపంచ గుండెల్లో గూడు కట్టింది. ‘నాటు నాటు’ పాటతో ఆస్కార్‌ అందుకున్న ఈ చిత్రం, లండన్‌లోని ప్రతిష్ఠాత్మక రాయల్‌ ఆల్బర్ట్‌ హాల్‌లో నిర్వహించిన ‘ఆర్ఆర్ఆర్ లైవ్‌ కాన్సర్ట్‌’తో సంగీత ప్రియులను అలరించింది. ఎం.ఎం. కీరవాణి సంగీత ప్రదర్శన అతిథులను మంత్రముగ్ధులను చేసింది. ఈ ఈవెంట్‌లో దర్శకుడు రాజమౌళితో పాటు హీరోలు ఎన్టీఆర్‌, రామ్‌చరణ్‌ కూడా సందడి చేశారు. ఈ సందర్భంగా ఎన్టీఆర్‌, రామ్‌చరణ్‌కు ముందస్తు జన్మదిన శుభాకాంక్షలు చెప్పడంతో అభిమానులు కేకలతో హోరెత్తించారు. సోషల్‌ మీడియాలో హీరోల ఫొటోలు వైరల్‌ అవుతూ అభిమానుల నుంచి పాజిటివ్‌ కామెంట్స్‌ వెల్లువెత్తుతున్నాయి. ఈ ఈవెంట్‌ తెలుగు సినిమా స్థాయిని మరోసారి చాటింది. ఇదిలా ఉంటే, రాజమౌళి ప్రస్తుతం మహేశ్‌ బాబుతో భారీ బడ్జెట్‌ సినిమాను తెరకెక్కిస్తున్నారు. ఈ సినిమాపై అంచనాలు ఆకాశాన్ని తాకుతున్నాయి.
🪬🔱🧿 An honour to host a conversation at the legendary @RoyalAlbertHall with some of India’s top grossing talent for #RRR which won @TheAcademy + @CriticsChoice awards for best song in 2023. The @royalphilorch played the score with the film. 🎼🎬#RamCharan #NTR #SSRajamouli pic.twitter.com/St2ZijZS0z
— Ashanti Omkar Film, TV, Culture Broadcaster & HOST (@AshantiOmkar) May 12, 2025