Roshan: చేసింది రెండు సినిమాలు అయిన తన నటనతో ప్రత్యేక గుర్తింపు తెచ్చుకున్న యంగ్ హీరో రోషన్. అయన మరో ఆసక్తికరమైన ప్రాజెక్ట్‌కి గ్రీన్ సిగ్నల్ ఇచ్చాడు. సీనియర్ హీరో శ్రీకాంత్ కుమారుడిగా ఇండస్ట్రీలో అడుగుపెట్టినా, తండ్రి ఇమేజ్‌కి భిన్నంగా తనదైన దారిలో వెళ్తున్నాడు రోషన్.
వయలెంట్ డైరెక్టర్‌తో రొమాంటిక్ టర్న్
‘హిట్’ ఫ్రాంచైజీతో యాక్షన్ థ్రిల్లర్స్‌కి కొత్త ట్రెండ్ తీసుకువచ్చిన దర్శకుడు శైలేష్ కొలను ఈసారి రొమాంటిక్ జానర్‌లోకి అడుగుపెట్టబోతున్నాడు. ఈ లవ్ స్టోరీలో హీరోగా రోషన్ నటించనున్నాడు. వీరిద్దరి కాంబినేషన్‌పై గతంలో రూమర్స్ వచ్చినా, ఇప్పుడు అది అఫీషియల్‌గా కన్ఫర్మ్ అయ్యింది.
ఈ చిత్రాన్ని సితార ఎంటర్‌టైన్మెంట్స్ బ్యానర్‌పై ప్రముఖ నిర్మాత సూర్యదేవర నాగవంశీ నిర్మించబోతున్నారు. కథ, ఇతర నటీనటుల వివరాలు త్వరలోనే వెల్లడించనున్నారు.
శైలేష్ కొలను – యాక్షన్ నుంచి లవ్ స్టోరీకి
‘హిట్: ది ఫస్ట్ కేస్’, ‘హిట్ 2’, ‘హిట్ 3’ సినిమాలతో థ్రిల్లర్ జానర్‌లో తనకంటూ ఓ మార్క్ ఏర్పరచుకున్న శైలేష్, ఇప్పుడు పూర్తిగా విభిన్నమైన రొమాంటిక్ ఎమోషనల్ కథతో వస్తున్నట్లు తెలుస్తోంది. వెంకటేష్‌తో చేసిన ‘సైంధవ్’ ఆశించిన స్థాయిలో నిలవకపోవడంతో, ఇప్పుడు తన తదుపరి మూవీకి కొత్త దిశలో ఆలోచిస్తున్నాడు.
ఇది కూడా చదవండి: Mandadi: సుహాస్ సినిమా షూటింగ్‌లో అపశ్రుతి: సముద్రంలో పడవ బోల్తా
రోషన్ ప్రస్తుత ప్రాజెక్టులు
‘ఛాంపియన్’ – ఫుట్‌బాల్ బ్యాక్‌డ్రాప్‌లో తెరకెక్కుతున్న ఈ సినిమాలో రోషన్ హీరోగా కనిపించబోతున్నాడు. ప్రదీప్ దర్శకత్వం వహిస్తున్న ఈ మూవీ నుంచి విడుదలైన గ్లింప్స్ ఇప్పటికే మంచి రెస్పాన్స్‌ అందుకున్నాయి.
ఈ సినిమా పూర్తి అయిన వెంటనే శైలేష్ కొలను దర్శకత్వంలో కొత్త సినిమా సెట్స్‌పైకి వెళ్లనుంది.
రోషన్ జర్నీ ఇప్పటివరకు
2016లో ‘నిర్మలా కాన్వెంట్’తో హీరోగా పరిచయమైన రోషన్, తన నటనతో బెస్ట్ మేల్ డెబ్యూ అవార్డు అందుకున్నాడు. ఆ తరువాత ‘పెళ్లి సందD’తో మరోసారి ప్రేక్షకుల ముందుకు వచ్చి మంచి మార్కులు కొట్టేశాడు. వరుసగా సినిమాలు చేయడం కంటే తనకు సరిపడే రోల్స్‌నే జాగ్రత్తగా ఎంచుకుంటూ కెరీర్‌ను ముందుకు తీసుకెళ్తున్నాడు.
మొత్తానికి, థ్రిల్లర్ జానర్ మాస్టర్ శైలేష్ కొలను దర్శకత్వంలో రోషన్ రాబోతున్న లవ్ స్టోరీపై టాలీవుడ్‌ సర్కిల్స్‌లో మంచి హైప్ క్రియేట్ అయింది. ఈ ఫ్రెష్ కాంబినేషన్ నుంచి ఏ విధమైన మేజిక్ చూడబోతున్నామో చూడాలి!