Life Style Tips: మనం తీసుకునే ఆహారం (Food) కేవలం కడుపు నింపడానికే కాదు, అది మన ఆలోచనలు (Thoughts), ప్రవర్తన (Behavior), చివరికి మన గమ్యాన్ని (Destiny) కూడా నిర్దేశిస్తుందని మన పెద్దలు, ధర్మశాస్త్రాలు (గ్రంథాలు)చెబుతున్నాయి. ఇది కేవలం ఆధ్యాత్మిక సిద్ధాంతం కాదు, పరిశోధనల ద్వారా నిరూపితమైన సత్యం. మన ఆహారం తయారీలో ప్రతి అడుగు, దాని పవిత్రతను, నాణ్యతను ప్రభావితం చేస్తుంది.
ఆహార సంస్కారం.. రైతు నుండి వంట వరకూ…
గతంలో, దాదాపు అరవై డెబ్భై సంవత్సరాల క్రితం, మన వ్యవసాయం సంస్కారవంతంగా ఉండేది.
పంట పండించే రైతు స్వచ్ఛమైన ఎరువులు వాడుతూ, పొలంలో మంచి పద్యాలు, పాటలు పాడుకుంటూ ధర్మబద్ధంగా (Righteously) వ్యవసాయం చేసేవాడు. ఆ స్వచ్ఛమైన మనస్సుతో పండిన ధాన్యమే పవిత్రంగా మన ఇళ్లకు చేరేది.
ఇంటి ఇల్లాలు వడ్లు దంచేటప్పుడు పోతన భాగవతం పద్యాలు చదవడం, లేదా వంట చేసేటప్పుడు సంగీతం పాడుకుంటూ, స్తోత్రాలు వల్లె వేస్తూ వంట చేసేది. ఆ విధంగా పవిత్రమైన భావాలతో (Pure intentions) వండిన అన్నం, మనకు ప్రసాదం (Sacred offering)లా ఉండేది. అందుకే ఆ రోజుల్లో అందరూ సత్యం పలికేవారు, సత్కర్మలు ఆచరించేవారు.
కానీ ఇప్పుడు, పంట పండించడం దగ్గర నుండి మన కంచంలోకి వచ్చే వరకూ… దురదృష్టవశాత్తు, అంతా కలుషితం (Contamination) అవుతోంది. ఈ మార్పు మన మనస్తత్వంలోనూ స్పష్టంగా కనిపిస్తోంది.
శ్రీకృష్ణుడు, పాండవుల కథలలో ఆహార ప్రభావం
మనం తినే ఆహారం మన ప్రవర్తనను నిర్ణయిస్తుందనడానికి మన పురాణాలలోనే గొప్ప ఉదాహరణలు ఉన్నాయి:
ధర్మ సంస్థాపన చేసిన శ్రీకృష్ణుడు:
దేవకీ గర్భాన జన్మించినా, యశోదమ్మ వద్ద పెరిగిన శ్రీకృష్ణుడు ధర్మ సంస్థాపన (Establishing Dharma) చేశాడు. స్వచ్ఛమైన మనసు (Pure heart) కలిగిన యశోదమ్మ, చిన్ని కృష్ణుడికి వెన్న, పెరుగు తినిపిస్తూ, సత్పురుషుల కథలు చెప్పేది. ఆ పవిత్రమైన ఆహారం (Sacred food) ఫలితమే, కృష్ణుడు కురుక్షేత్రంలో న్యాయం వైపు నిలబడి విజయాన్ని అందించడానికి కారణమైంది.
ఇది కూడా చదవండి: Tere Ishq Mein: బాలీవుడ్లో ధనుష్ మరోసారి సెంచరీ!
ధర్మానికి మారుపేరు పాండవులు:
పాండవుల తల్లి కుంతీదేవి వారిని దగ్గర కూర్చోబెట్టుకుని, మంచి మాటలు చెబుతూ అన్నం తినిపించేది. పవిత్రమైన ఆహారాన్ని, ప్రేమతో తినిపించడం వల్లే:
- ధర్మరాజు (Yudhishthira) ధర్మానికి మారుపేరుగా నిలిచాడు.
- అర్జున, భీమ, నకుల సహదేవులు ధర్మబద్ధమైన జీవితాన్ని, యుద్ధాన్ని సాగించారు.
దురాలోచనలకు కారణమైన కౌరవులు:
గాంధారీదేవి, ధర్మరాజు జన్మించాడని అసూయతో గర్భతాడనం చేసింది. ఆ అసూయ (Jealousy) నుంచే కౌరవులు జన్మించారు. గాంధారి ఏనాడూ వారికి మంచిని బోధిస్తూ, పవిత్రంగా అన్నం తినిపించలేదు. ధృతరాష్ట్రుడి మౌన సమ్మతి, పిల్లలు అధర్మంగా అనుభవించిన రాజ్యం కారణంగా కౌరవులకు దురాలోచనలు (Evil thoughts) కలిగి, చివరికి వందమంది యుద్ధంలో నిహతులయ్యారు.
భీష్ముడి దృష్టాంతం: మలినమైన అన్నం ప్రభావం
ఆహారం మన వివేకాన్ని ఎలా కప్పివేస్తుందో చెప్పడానికి భీష్మాచార్యుల ఉదంతం అత్యంత ముఖ్యమైనది:
కురుక్షేత్రంలో అంపశయ్యపై ఉన్న భీష్ముడి వద్దకు ధర్మసూక్ష్మాలు తెలుసుకోవడానికి పాండవులు వెళ్ళారు. అప్పుడు భీష్ముడు ధర్మబోధ చేస్తుంటే, ద్రౌపది నవ్వింది. నిండు సభలో నా వస్త్రాపహరణం జరుగుతున్నప్పుడు, మీకు ఈ ధర్మజ్ఞానం (Knowledge of Dharma) ఏమైపోయింది? అని ఆమె ప్రశ్నించింది.
అప్పుడు భీష్ముడు చిరునవ్వుతో:
తల్లీ! ఆ సమయంలో నేను దుర్యోధనుడు పెట్టిన మలినమైన అన్నం (Impure food) తింటున్నాను. ఆ కాలుష్యం నా రక్తంలో జీర్ణించుకుపోయింది. దాని కారణంగా నా వివేకం (Conscience) కోల్పోయాను. నా కర్తవ్యం గుర్తు రాలేదు. ఇప్పుడు అర్జునుడి బాణాలతో ఆ మలినమైన రక్తం అంతా పోయింది. అందుకే, ధర్మం మాట్లాడగలుగుతున్నాను.
అంతేకాక, దుర్యోధనాదులు తమ పితామహుడైన పాండురాజు ధర్మబద్ధంగా సంపాదించిన రాజ్యాన్ని అధర్మంగా అనుభవించారు. అధర్మ మార్గంలో సంపాదించిన ఆహారం, అధికారం వారి బుద్ధిని వక్రమార్గాన నడిపింది.
సాత్విక ఆహారమే శ్రీరామ రక్ష
ఈ కథలన్నీ మనకు చెప్పేది ఒకటే.. మనం తినే ఆహారానికి అపారమైన శక్తి ఉంది.
ధర్మబద్ధమైన సంపాదన (Righteous earning) ద్వారా వచ్చిన, స్వచ్ఛమైన మనసు (Pure Mind)తో తయారు చేసిన సాత్వికమైన ఆహారం (Sattvic food) తీసుకోవడం వల్ల మనలో ధర్మమైన ఆలోచనలు, మంచి ప్రవర్తన కలుగుతాయి.
సాత్విక ఆహారం మన ఆత్మ (Soul), దేహం (Body) రెండింటినీ ఆరోగ్యంగా ఉంచుతుందని మన శాస్త్రాలు ఘోషిస్తున్నాయి.
కాబట్టి, మనం ఏమి తింటున్నామనే దానిపైనే మన జీవితం ఆధారపడి ఉంటుంది. అందుకే ఆహార సంస్కారాన్ని పాటిస్తూ, ధర్మబద్ధమైన ఆహారాన్ని భుజించడం మనందరి కర్తవ్యం.