Renu Desai: ప్లీజ్‌.. ఇలాంటి స‌మ‌యంలో అలాంటి పోస్టులు పెట్ట‌కండి

ఈ నేపథ్యంలో సినీ నటి, సామాజిక కార్యకర్తగా పేరుగాంచిన రేణు దేశాయ్ చాలా సున్నితమైన, అవసరమైన అంశంపై తన గళం విప్పారు. యుద్ధ వాతావరణంలో కొన్ని అనాలోచితమైన వీడియోలు, రీల్స్ సోషల్ మీడియాలో వైరల్ అవుతుండటంపై ఆమె తీవ్ర ఆవేదన వ్యక్తం చేశారు.

“ఈరోజు మనం నిశ్చింతగా నిద్రపోతున్నామంటే, అది సరిహద్దుల్లో మన కోసం ప్రాణాల పణంగా కాపలాకాస్తున్న సైనికుల వల్లే. అలాంటి పరిస్థితుల్లో వారిని, వారి కుటుంబాలను బాధపెట్టేలా వీడియోలు చేయడం, వ్యూస్ కోసం హాస్యపూరిత రీల్స్ చేయడం ఎంత దారుణమో గుర్తించండి,” అంటూ రేణు దేశాయ్ చేసిన విజ్ఞప్తి మనందరినీ ఆలోచనలో పడేస్తోంది.

ఇలాంటి ఘనమైన సందేశాన్ని అందిస్తూ, రేణు దేశాయ్ సోషల్ మీడియా యూజర్లను బాధ్యతాయుతంగా ప్రవర్తించాలని కోరారు. యుద్ధం అనేది మ‌న ఊహ‌ల్లోని కంటెంట్ కాదు. అది ఎన్నో కుటుంబాల జీవితాల్ని మార్చే విష‌యం. అలాంటి అంశాన్ని వినోదంగా చూపించ‌డం కేవ‌లం దారుణ‌మే కాదు, అన్యాయంగా కూడా మారుతుంది.

ఈ నేపథ్యంలో మనకు ఒక బాధ్యత ఉంది. వ్యూస్, లైక్స్, సబ్‌స్క్రైబర్స్ కోసమేనని మన కంటెంట్ సృష్టించకూడదు. సైనికుల సేవలను గౌరవించాలి. ఈ గడియలో దేశానికి మనమంతా ఒకటిగా నిలవాలి. బాధను నవ్వులుగా మార్చే ప్రయత్నం కాకుండా, బాధను అర్థం చేసుకుని ఒక మానవత్వంతో ముందుకెళ్లాలి.