Rashmika Mandanna: కన్నడ బ్యూటీ రష్మిక మందన్న ప్రస్తుతం ఇండియన్ సినిమా దగ్గర మోస్ట్ వాంటెడ్ హీరోయిన్గా వెలిగిపోతున్నారు. ‘పుష్ప’, ‘యానిమల్’ వంటి వరుస పాన్-ఇండియా బ్లాక్ బస్టర్లతో బాక్సాఫీస్ వద్ద కనకవర్షం కురిపిస్తున్న ఈ ముద్దుగుమ్మ, తాజాగా ఒక బాధ్యతగల పౌరురాలిగా అరుదైన గౌరవాన్ని దక్కించుకున్నారు. కేవలం గ్లామర్ పరంగానే కాకుండా, ఆర్థిక క్రమశిక్షణలోనూ తాను అందరికంటే ముందే ఉన్నానని నిరూపించుకున్నారు. తన సొంత జిల్లా అయిన కర్ణాటకలోని కొడగులో 2025-26 ఆర్థిక సంవత్సరానికి గాను అత్యధిక ఆదాయపు పన్ను (Income Tax) చెల్లించిన వ్యక్తిగా రష్మిక రికార్డు సృష్టించారు.
ఒకప్పుడు ఆడుకోవడానికి బొమ్మలు కొనడానికి కూడా ఆర్థికంగా ఇబ్బందులు పడ్డామని చెప్పిన రష్మిక, నేడు తన స్వయంకృషితో అత్యున్నత స్థాయికి చేరుకున్నారు. ప్రస్తుత ఆర్థిక సంవత్సరానికి సంబంధించి కేవలం మూడు త్రైమాసికాల్లోనే ఆమె సుమారు రూ. 4.69 కోట్ల ఆదాయపు పన్ను చెల్లించి, జిల్లాలోనే అగ్రస్థానంలో నిలిచారు. మార్చి నాటికి నాలుగో వాయిదా కూడా పూర్తయితే ఈ మొత్తం మరింత పెరగనుంది. వరుసగా మూడు 500 కోట్ల వసూళ్లు సాధించిన సినిమాల్లో నటించిన ఏకైక హీరోయిన్గా రికార్డు సృష్టించిన రష్మిక, ఇప్పుడు పన్ను చెల్లింపులోనూ టాప్లో నిలిచి రియల్ హీరో అనిపించుకున్నారు.
ఇది కూడా చదవండి: Srivani Darshan Tickets: రేపటి నుంచి ఆన్ లైన్ లో శ్రీవాణి దర్శన టికెట్లు జారీ
విలాసవంతమైన ఆస్తులు.. తెలివైన పెట్టుబడులు
పదేళ్ల సినీ ప్రయాణంలో రష్మిక నికర ఆస్తి విలువ దాదాపు రూ. 66 కోట్లకు చేరుకున్నట్లు అంచనా. ప్రస్తుతం ఒక్కో సినిమాకు ఆమె రూ. 10 కోట్ల వరకు రెమ్యునరేషన్ అందుకుంటున్నట్లు తెలుస్తోంది. సంపాదించిన డబ్బును ఆమె తెలివైన పెట్టుబడులుగా మారుస్తున్నారు:
-
నివాసాలు: కొడగు (విరాజ్పేట)లో విలాసవంతమైన బంగ్లా, బెంగళూరులో రూ. 8 కోట్ల విలువైన ఇల్లు, మరియు ముంబైలోని వర్లీలో ఒక లగ్జరీ అపార్ట్మెంట్ ఉన్నాయి.
-
స్థిరాస్తి: హైదరాబాద్, గోవా, కూర్గ్లో భారీగా స్థిరాస్తి పెట్టుబడులు పెట్టారు.
-
కార్ల కలెక్షన్: ఆమె గ్యారేజీలో ఆడి క్యూ3, రేంజ్ రోవర్ స్పోర్ట్, మెర్సిడెస్ బెంజ్ వంటి ఖరీదైన కార్లు ఉన్నాయి.
రష్మిక చేతిలో ప్రస్తుతం భారీ ప్రాజెక్టులు ఉన్నాయి. హిందీలో షాహిద్ కపూర్తో కలిసి ‘కాక్టెయిల్ 2’, తెలుగులో వారియర్ పాత్రలో ‘మైసా’, మరియు దేశమంతా ఎదురుచూస్తున్న ‘పుష్ప 3: ది రాంపేజ్’ వంటి చిత్రాల్లో ఆమె నటిస్తున్నారు. ఇక వ్యక్తిగత జీవిత విషయానికి వస్తే, నటుడు విజయ్ దేవరకొండతో ఆమె వివాహం గురించి వస్తున్న వార్తలు రోజురోజుకూ బలపడుతున్నాయి. ఫిబ్రవరి 2026లో రాజస్థాన్లోని ఉదయ్పూర్ ప్యాలెస్లో వీరిద్దరూ ఒక్కటి కాబోతున్నట్లు ఫిల్మ్ నగర్ టాక్ వినిపిస్తోంది. ఒక సాదాసీదా అమ్మాయి నుంచి కొడగు జిల్లాలోనే హయ్యెస్ట్ టాక్స్ పేయర్గా ఎదగడం రష్మిక సాధించిన అసలైన విజయమనే చెప్పుకోవాలి.