Jailer 2: సూపర్‌స్టార్ రజినీకాంత్ మరోసారి బాక్సాఫీస్‌ను షేక్ చేయడానికి సిద్ధమవుతున్నారు. లోకేశ్ కనగరాజ్ దర్శకత్వంలో తెరకెక్కిన ‘కూలీ’ రిలీజ్‌కు సన్నాహాలు చేస్తుండగా, రజినీ ఇప్పటికే తన తదుపరి చిత్రం ‘జైలర్ 2’ను పట్టాలెక్కించారు. నెల్సన్ దిలీప్ డైరెక్షన్‌లో వచ్చిన ‘జైలర్’ బ్లాక్‌బస్టర్ హిట్‌తో దుమ్మురేపగా, ఇప్పుడు దాని సీక్వెల్ సంచలనం సృష్టించేందుకు రెడీ అవుతోంది.
Also Read: Gaddar Film Awards: గద్దర్ అవార్డుల ప్రకటన: 2014-2023 వరకూ ఉత్తమ సినిమాలు ఇవే!
Jailer 2: ఈ చిత్రంలో బాలీవుడ్ నటి ‘డర్టీ పిక్చర్’ ఫేమ్ విద్యా బాలన్ కీలక పాత్రలో కనిపించనున్నట్లు సమాచారం. ‘జైలర్’లో రమ్యకృష్ణ రజినీ సతీమణిగా నటించగా, విద్యా బాలన్ పాత్ర ఏమిటన్నది ఉత్కంఠ రేపుతోంది.
అలాగే, శివ రాజ్‌కుమార్, జాకీ ష్రాఫ్, మోహన్‌లాల్‌తో పాటు తెలుగు స్టార్ బాలకృష్ణ కూడా ముఖ్యమైన రోల్‌లో నటిస్తున్నారని తెలుస్తోంది. సంగీత దర్శకుడు అనిరుధ్ రవిచందర్ ఈ చిత్రానికి సంగీతాన్ని అందిస్తున్నారు. రజినీ అభిమానులకు ‘జైలర్ 2’ మరో మాస్ హిట్‌గా నిలిచే అవకాశం ఉంది.