rahul gandhi: కాంగ్రెస్ నాయకుడు రాహుల్ గాంధీ విద్యార్థులకు ఆంగ్ల భాషలో నైపుణ్యం కలిగి ఉండడం ఎంత ముఖ్యమో వివరించారు. ప్రపంచ స్థాయిలో పోటీ పడాలంటే ఆంగ్ల పరిజ్ఞానం అవసరమని, ఇది యువత సాధికారతకు మార్గం అని అన్నారు. కేంద్ర హోంమంత్రి అమిత్ షా చేసిన వ్యాఖ్యలపై స్పందించిన ఆయన, ఆంగ్లం నేర్చుకోవడం సిగ్గుచేసుకునే విషయం కాదని స్పష్టం చేశారు.
ఆంగ్ల భాష విద్యార్థులకు ఆత్మవిశ్వాసాన్ని, ఉపాధి అవకాశాలను కల్పిస్తుందని తెలిపారు. మాతృభాషతో పాటు ఆంగ్ల భాషలో కూడా నైపుణ్యం అవసరమని ఆయన హితవు పలికారు. ప్రతి భాషకు ప్రత్యేకత, సంస్కృతి, విలువ ఉందని గుర్తుచేశారు.
బీజేపీ, ఆర్ఎస్ఎస్‌లపై విమర్శలు చేసిన రాహుల్, పేద విద్యార్థులు ఉన్నత విద్య ద్వారా ఎదగడం ఇష్టం లేకే వీరు విద్యను అణచివేయాలనుకుంటున్నారని ఆరోపించారు. ప్రపంచంతో సమానంగా పోటీపడాలంటే ఆంగ్ల విద్యను అందుబాటులో ఉంచాల్సిన అవసరం ఉందని ఆయన తెలిపారు.