Rachita Ram: కన్నడ సినీ నటి రచిత రామ్ మరోసారి సంచలనం సృష్టిస్తున్నారు. రజనీకాంత్ తో కలిసి ‘కూలీ’ సినిమాలో అద్భుతమైన నటనతో దేశవ్యాప్తంగా గుర్తింపు పొందిన ఈ నటి, ఇప్పుడు లోకేష్ కనగరాజ్ హీరోగా నటిస్తున్న మొదటి సినిమాలో ఒక ముఖ్యమైన పాత్ర పోషిస్తున్నారు. లోకేష్ కనగరాజ్ దర్శకత్వం వహించకుండా, నటుడిగా మారడం ఇదే మొదటిసారి. ఆయన నటనా ఆరంగేట్రం చేస్తున్న ఈ చిత్రానికి అరుణ్ మాతేశ్వరన్ దర్శకత్వం వహిస్తున్నారు. ఈ సినిమాను ప్రముఖ నిర్మాణ సంస్థ సన్ పిక్చర్స్ నిర్మిస్తోంది.
Also Read: Kanchana 4: కాంచన 4లో రష్మిక.. అదిరిపోయే ట్విస్ట్!
ఈ చిత్రంలో రచిత రామ్ పాత్ర చాలా కీలకమైనదిగా, సవాల్ తో కూడుకున్నదిగా ఉంటుందని తెలుస్తోంది. ఈ పాత్ర కోసం రచిత ఆడిషన్స్ లో పాల్గొని, తన నటనతో దర్శకుడిని మెప్పించి ఎంపికయ్యారని సమాచారం. ‘కూలీ’ సినిమాలో ఆమె నటనకు వచ్చిన ప్రశంసలు, ఈ కొత్త చిత్రంపై అంచనాలు పెంచాయి. లోకేష్ కనగరాజ్, అరుణ్ మాతేశ్వరన్ వంటి ప్రముఖులు కలిసి పనిచేయడం వలన, ఈ సినిమా అద్భుతమైన కథనంతో ఉంటుందని సినీ విశ్లేషకులు భావిస్తున్నారు. ఈ సినిమా విడుదల తేదీ, ఇతర నటీనటుల వివరాలు త్వరలో వెల్లడి కానున్నాయి.