Psycho Husband: అమెరికాలో ఓ తెలుగు మహిళ కుటుంబంతో కలిసి ఎదుర్కొంటున్న కష్టాలు ఇప్పుడు అందరికీ కంటతడి పెట్టిస్తున్నాయి. వరంగల్‌కు చెందిన సుమ అనే మహిళ, 2006లో హైదరాబాద్‌కు చెందిన అరవింద్‌తో వివాహం జరిగింది. పెళ్లి తర్వాత 2008లో వీరిద్దరూ అమెరికాకు వెళ్లారు. మొదట్లో జీవితం సంతృప్తికరంగా సాగింది. అయితే, పిల్లలు పుట్టిన తర్వాత అరవింద్‌లో మార్పులు మొదలయ్యాయి.
ఆయన మానసికంగా, శారీరకంగా భార్య పిల్లల్ని హింసించేందుకు తన్నుకు పోయేవాడు. నిత్యం ఇంట్లో గొడవలు, గొంతులు కోసుకునే స్థాయికి వెళ్లిపోయేది. చిన్నారుల్ని నిర్దయగా కొట్టే స్థితికి వెళ్లాడు. ఈ విషయాన్ని అక్కడి పోలీసులు తెలుసుకుని అరవింద్‌ను అదుపులోకి తీసుకొని, అనంతరం విడిచేశారు.
అయితే, తన మీద కేసు పెట్టారన్న కోపంతో అరవింద్‌ తన భార్య సుమ మరియు ఇద్దరు పిల్లల్ని అమెరికాలో వదిలేసి, ఒక్కసారిగా ఇండియాకు తిరిగొచ్చాడు. అప్పటి నుంచి సుమ అమెరికాలోనే ఉండిపోవాల్సి వచ్చింది.
ఇది కూడా చదవండి: Odisha: అద‌న‌పు క‌మిష‌న‌ర్‌ను ఆఫీసు నుంచి ఈడ్చుకుంటూ దారుణంగా కొట్టిన బీజేపీ కార్పొరేట‌ర్‌
ఆర్థిక ఇబ్బందులు, భవిష్యత్ భయం
సుమ డిపెండెంట్ వీసాపై అమెరికాలో ఉంటోంది. ఆమెకు ఉద్యోగం చేయడానికి అనుమతి లేదు. చేతిలో డబ్బు లేదు, సహాయం చేయడానికి ఎవరూ లేరు. పిల్లలు అమెరికా పౌరులు అయినప్పటికీ, అక్కడ ఉండాలంటే ఒక అథెంటిక్ ఉద్యోగం ఉండాలని అక్కడి అధికారులు చెబుతున్నారు.
ఈ పరిస్థితుల్లో సుమ తల్లిగా, ఒకవైపు పిల్లల భవిష్యత్తు గురించి ఆందోళనపడుతూ, మరోవైపు రోజువారీ అవసరాల్ని తీర్చుకోలేక నానా బాధలు పడుతోంది. తాను ప్రభుత్వ సహాయం కోరుతున్నట్లు, కనీసం తమ కుటుంబాన్ని రక్షించేందుకు ముందుకు రావాలని ఆమె ఆవేదన వ్యక్తం చేసింది.
ప్రభుత్వం స్పందించాలి
ఈ ఘటన ఎంతోమందికి గుండెను కలిచే విషయం. ఒక మనిషి స్వార్థం వల్ల, భయంకర ప్రవర్తన వల్ల ఓ కుటుంబం విదేశంలో నరకం అనుభవిస్తోంది. ఇప్పటికైనా కేంద్ర, రాష్ట్ర ప్రభుత్వాలు ఈ కేసును సీరియస్‌గా తీసుకొని బాధితులకు తగిన సాయాన్ని అందించాలి.