సమంత చివరిగా నటించిన వెబ్ సిరీస్ ‘సిటడెల్ హనీ బన్నీ’.డీకే రాజ్ దర్శకత్వం వహించిన ఈ సిరీస్ లో వరుణ్ ధావన్ హీరోగా నటించాడు.ఈ సిరీస్ షూటింగ్ పూర్తి చేసుకున్నప్పటికీ స్ట్రీమింగ్ అందుబాటులోకి రాలేదు. దీని కోసం సామ్ ఫ్యాన్స్ ఎదురు చూస్తున్నారు. ఈ క్రమంలోనే మేకర్స్ నవంబర్లో ‘సిటడెల్’ డిజిటల్ స్ట్రీమింగ్ కానున్నట్లు అధికారికంగా వెల్లడించారు. ఈ సిరీస్ కు సంబంధించిన ప్రీమియర్ ను లండన్లో ప్రదర్శించారు.
ఈ కార్యక్రమానికి సంబంధించిన ఫొటోలు సమంత ఇన్ వేదికగా షేర్ చేసింది. “మిస్సింగ్ మై మ్యాన్ వరుణ్ ధావన్” అనే క్యాప్షన్ జత చేసింది. ఈ ఈవెంట్ కు ప్రియాంక చోప్రా హాజరయ్యారు. ఆమెతో కలిసి సమంత దిగిన ఫొటోలు ప్రస్తుతం వైరల్ గా మారాయి. ఒకరితో ఒకరు మాట్లాడుకుంటూ నవ్వుకుంటున్న ఆ ఫొటోలను అభిమానులు షేర్ చేస్తున్నారు. స్పై థ్రిల్లర్ గా ప్రేక్షకుల ముందుకువచ్చి మంచి విజయాన్ని సొంతం చేసుకున్న సిరీస్ లలో ‘సిటడెల్’ ఒకటి. ఈ హాలీవుడ్ వెబ్ సిరీస్ లో ప్రియాంక చోప్రా, రిచర్డ్ మ్యాడెన్ తదితరులు ప్రధాన పాత్రల్లో నటించారు. దీని ఇండియన్ వెర్షన్లో వరుణ్ ధావన్, సమంత ప్రధాన పాత్రలు పోషించారు. ‘సిటడెల్: హనీబన్నీ’ పేరుతో త్వరలోనే అమెజాన్ ప్రైమ్ వేదికగా ఇది ప్రసారం కానుంది.