Peddi: రామ్ చరణ్ హీరోగా బుచ్చిబాబు సానా రూపొందిస్తున్న పెద్ది సినిమా సంచలనం సృష్టిస్తోంది. ఈ స్పోర్ట్స్ డ్రామాలో రామ్ చరణ్ రగ్గడ్ లుక్‌తో కనిపిస్తూ అభిమానులను ఆకర్షిస్తున్నాడు. ఇటీవల విడుదలైన శివరాజ్‌కుమార్ లుక్ సినిమాపై అంచనాలను రెట్టింపు చేసింది. ఈ లుక్‌ను శివన్న బర్త్‌డే సందర్భంగా విడుదల చేశారు. జాన్వీ కపూర్, దివ్యేందు శర్మ, జగపతిబాబు లాంటి స్టార్ కాస్ట్‌తో ఈ చిత్రం భారీగా రూపొందుతోంది. ఏఆర్ రెహమాన్ సంగీతం సినిమాకు మరో హైలైట్. రైల్వే స్టేషన్‌లో షూటింగ్ పూర్తి చేసిన టీమ్, ఇప్పుడు డిల్లీలో క్లైమాక్స్ సన్నివేశాలను చిత్రీకరించనుంది.
అక్టోబర్‌లో ఫస్ట్ సింగిల్ విడుదల కానుంది. 2026 మార్చి 27న విడుదలకు సిద్ధమవుతున్న ఈ చిత్రం, రంగస్థలం, ఆర్‌ఆర్‌ఆర్‌లను మించే అద్భుతమైన అనుభవాన్ని అందిస్తుందని రామ్ చరణ్ అన్నారు. మైత్రీ మూవీ మేకర్స్, వృద్ధి సినిమాస్, సుకుమార్ రైటింగ్స్ సంయుక్తంగా నిర్మిస్తున్న ఈ చిత్రం టాలీవుడ్‌లో కొత్త ఒరవడిని సృష్టించనుంది. మరి ఈ సినిమా ఎలాంటి సంచలనాలు సృష్టిస్తుందో చూడాలి.