Pawan Kalyan: చారిత్రక ప్రాముఖ్యత కలిగిన రాజమహేంద్రవరం ఇప్పుడు కొత్త ఆత్మవిశ్వాసంతో ముందుకు సాగుతోంది. గోదావరి నది ఒడ్డున ఎంతోకాలంగా ఎదురుచూస్తున్న పర్యాటక అభివృద్ధి కల నెరవేరనుంది. రూ.94.44 కోట్ల వ్యయంతో అఖండ గోదావరి టూరిజం ప్రాజెక్టు ప్రారంభమైంది.
ఈ ప్రాజెక్టుకు డిప్యూటీ సీఎం పవన్ కళ్యాణ్, కేంద్ర మంత్రి గజేంద్రసింగ్ షెకావత్ కలిసి పుష్కరఘాట్ వద్ద శంకుస్థాపన చేశారు. కార్యక్రమంలో బీజేపీ నేత దగ్గుబాటి పురందేశ్వరి, మంత్రి కందుల దుర్గేశ్, ఇతర నేతలు పాల్గొన్నారు.
ప్రాజెక్టులో ఉండే ముఖ్య అంశాలు:
-
127 ఏళ్ల నాటి హేవలాక్ రైల్వే వంతెనను టూరిజం స్పాట్‌గా మార్చడం
-
పుష్కర ఘాట్ అభివృద్ధి
-
బొమ్మూరులో సైన్స్ సెంటర్, ఫారెస్ట్ అకాడమీ నిర్మాణం
-
ధవళేశ్వరం, కొవ్వూరు, నిడదవోలు వంటి ప్రాంతాల్లో పర్యాటక సౌకర్యాల పెంపు
ప్రాజెక్టు ప్రయోజనాలు:
-
రాజమండ్రి ప్రజల దీర్ఘకాల స్వప్నం నెరవేరుతుంది
-
స్థానికులకు ఉపాధి అవకాశాలు పెరుగుతాయి
-
విదేశీ పర్యాటకులను ఆకర్షించి రాష్ట్రానికి రెవెన్యూ వస్తుంది
-
పర్యాటక రంగం బలోపేతం అవుతుంది
పవన్ కళ్యాణ్ ఏమన్నారు?
అఖండ గోదావరి ప్రాజెక్టు వల్ల రాజమహేంద్రవరం చుట్టూ పర్యాటక రంగంలో విప్లవాత్మక మార్పులు వస్తాయి. యువతకు ఉద్యోగాలు, నగరానికి అభివృద్ధి వచ్చే అవకాశం ఉంది అన్నారు.
ఇది కూడా చదవండి: Telangana Farmers: రైతులకు శుభవార్త.. పరిహారం ఇవ్వనున్న కంపెనీలు..
ఎందుకింత ప్రత్యేకం?
ఆంధ్రప్రదేశ్ ప్రభుత్వం విదేశీ పర్యాటకులపై ప్రత్యేక దృష్టి పెట్టింది. మనకు ₹20 టికెట్ ధర అయితే, విదేశీయులు దాదాపు ₹400 చెల్లించేందుకు సిద్ధంగా ఉంటారు. అంటే.. పర్యాటక ప్రాజెక్టుల ద్వారా ప్రభుత్వ ఆదాయం భారీగా పెరిగే అవకాశం ఉంది.
ఈ ప్రాజెక్టు పూర్తి అయితే రాజమహేంద్రవరం పేరు ప్రపంచవ్యాప్తంగా గోదావరి అందాలకు ప్రతీకగా నిలవనుంది. స్థానిక అభివృద్ధి, ఉపాధి అవకాశాలు, పర్యాటక ఆదాయం.. అన్నింటికీ ఇది ఓ సరికొత్త మైలురాయి అవుతుంది.