Haris Rauf: పాకిస్థాన్ పేస్ బౌలర్ హారిస్ రౌఫ్ ఇటీవల ఆసియా కప్ 2025లో భారత్‌తో జరగనున్న మ్యాచ్‌లకు సంబంధించి కొన్ని వ్యాఖ్యలు చేశారు. ఈ వ్యాఖ్యలు ఇప్పుడు సోషల్ మీడియాలో చర్చనీయాంశమయ్యాయి. ఆసియా కప్‌లో భారత్‌తో జరిగే మ్యాచ్‌ల గురించి ఒక అభిమాని అడిగిన ప్రశ్నకు, రౌఫ్ బదులిస్తూ, “దోనో అప్నే హై, ఇన్షా అల్లా” (రెండు మ్యాచ్‌లు మనవే, దేవుడి దయతో) అని అన్నారు. ఈ వ్యాఖ్యలు పాకిస్థాన్ అభిమానులలో ఉత్సాహాన్ని నింపాయి. ఆసియా కప్ ఫార్మాట్ ప్రకారం, భారత్, పాకిస్థాన్ గ్రూప్ దశలో ఒకసారి, ఆ తర్వాత సూపర్ 4 దశకు అర్హత సాధిస్తే మరోసారి తలపడే అవకాశం ఉంది.
Also Read: AB de Villiers: RCB కోచ్‌గా ఏబీ డివిలియర్స్?
హారిస్ రౌఫ్ ఈ రెండు మ్యాచ్‌లలోనూ తమ జట్టు విజయం సాధిస్తుందని ధీమా వ్యక్తం చేశారు. ఆసియా కప్‌కు ముందు పాకిస్థాన్ జట్టు ప్రస్తుతం దుబాయ్‌లోని ఐసీసీ అకాడమీలో శిక్షణ పొందుతోంది. హారిస్ రౌఫ్ ఈ టోర్నమెంట్‌లో పాకిస్థాన్ విజయం సాధించడానికి చాలా కష్టపడతామని తెలిపారు. అయితే, ఈ వ్యాఖ్యలపై సామాజిక మాధ్యమాలలో విపరీతమైన చర్చ నడుస్తోంది. కొంతమంది నెటిజన్లు “ముందు యూఏఈపై గెలవండి” అంటూ హారిస్ రౌఫ్‌కు కౌంటర్ ఇచ్చారు. మొత్తానికి, ఈ వ్యాఖ్యలు ఆసియా కప్‌లో ఇరు జట్ల మధ్య పోటీకి మరింత మసాలాను అద్దాయని చెప్పాలి.