Padi Kaushik Reddy: బీఆర్ఎస్ ఎమ్మెల్యే పాడి కౌశిక్ రెడ్డి అరెస్ట్

వివరాల్లోకి వెళితే, కౌశిక్ రెడ్డి ఒక ప్రైవేట్ క్వారీ యజమానిని బెదిరించారని ఆరోపణలు వచ్చాయి. దీంతో వరంగల్ సుబేదారి పోలీస్ స్టేషన్‌లో కేసు నమోదు అయింది. శనివారం ఉదయం శంషాబాద్ అంతర్జాతీయ విమానాశ్రయంలో ఆయనను పోలీసులు అదుపులోకి తీసుకున్నారు.

ఇది కూడా చదవండి: Yoga Day: విశాఖలో యోగాంధ్ర వేడుకలు.. 5 లక్షల మందితో యోగాసానాలు.. ముఖ్య అతిధిగా ప్రధాని మోదీ

అరెస్ట్ తర్వాత ఆయన్ను వరంగల్‌కి తరలించి విచారణ చేపట్టారు. కేసు నమోదు చేసిన పోలీసులు పలు తీవ్రమైన సెక్షన్లను ప్రయోగించారు.

ఏ ఏ సెక్షన్లు వర్తించాయంటే.

పాడి కౌశిక్ రెడ్డిపై భారతీయ న్యాయ సంహిత (BNS)లోని 308(2), 308(4), 352 సెక్షన్ల కింద కేసులు నమోదయ్యాయి.

• BNS 308(2) – ప్రాణాపాయం కలిగే ప్రమాదకర చర్యకు యత్నం

• BNS 308(4) – సంఘటన సమయంలో తీవ్రమైన మానసిక లేదా శారీరక గాయాలు కలిగించగల యత్నం

• BNS 352 – బెదిరింపులు, దాడి చేయడం వంటి ఆరోపణలు

రాజకీయంగా ప్రభావం

ఈ అరెస్ట్‌ నేపథ్యంలో రాష్ట్ర రాజకీయాల్లో చర్చ నడుస్తోంది. ఇప్పటికే ఎన్నికల తరువాత బీఆర్ఎస్ దెబ్బతిన్న తరుణంలో ఎమ్మెల్యే అరెస్ట్ కావడం పార్టీకి పరువు నష్టం కలిగించే అంశంగా మారింది.

పోలీసుల విచారణ అనంతరం మరిన్ని కీలక వివరాలు వెలుగులోకి వచ్చే అవకాశం ఉంది. బీఆర్ఎస్ నేతలు దీనిపై ఎలా స్పందిస్తారన్నది ఆసక్తికరంగా మారింది.

బ్రేకింగ్ న్యూస్

బీఆర్ఎస్ ఎమ్మెల్యే పాడి కౌశిక్ రెడ్డి అరెస్ట్

శంషాబాద్ ఎయిర్‌పోర్టులో కౌశిక్ రెడ్డిని అరెస్ట్ చేసిన వరంగల్ సుబెదారి పోలీసులు pic.twitter.com/njGhf0n3ql

— Telugu Scribe (@TeluguScribe) June 21, 2025