ORR Accident: హైదరాబాద్ ఔటర్ రింగ్ రోడ్డుపై సోమవారం తెల్లవారుజామున ఒక ఘోర రోడ్డు ప్రమాదం జరిగింది. ఈ సంఘటన రాజేంద్రనగర్ సమీపంలో చోటు చేసుకుంది.
వివరాల్లోకి వెళ్తే… ఓ కారు వేగంగా వస్తుండగా డ్రైవర్ ఒక్కసారిగా బ్రేక్ వేశాడు. దీంతో ఆ కారు వెనక ఉన్న వాహనాలు కూడా ఆగలేకపోయాయి. ఒక్కదాని తర్వాత ఒక్కటి మిగిలిన కార్లు ఢీకొనడంతో మొత్తం 9 వాహనాలు ఒకదానికొకటి బలంగా తాకాయి. ఈ కారణంగా రోడ్డుపై ట్రాఫిక్ పూర్తిగా నిలిచిపోయింది.
ఈ ప్రమాదంతో సుమారు 2 కిలోమీటర్ల మేర ట్రాఫిక్ జామ్ ఏర్పడింది. సమాచారం అందుకున్న వెంటనే పోలీసులు, ఓఆర్ఆర్ సిబ్బంది ఘటనా స్థలానికి చేరుకుని బాధిత కార్లను పక్కకు తొలగించారు. అనంతరం ట్రాఫిక్ను క్రమంగా క్లియర్ చేశారు.
ఇది కూడా చదవండి: Amit Shah: తెలంగాణలో బీఆర్ఎస్ పోయింది కానీ అవినీతి మాత్రం పోలేదు
ఈ ప్రమాదంలో కొంతమందికి గాయాలు అయ్యాయి. వారిని సమీప ఆస్పత్రులకు తరలించారు. ప్రస్తుతం పోలీసులు కేసు నమోదు చేసి, ప్రమాదం జరిగిన తీరుపై విచారణ ప్రారంభించారు.
ప్రయాణికులకు హెచ్చరిక
ఓఆర్ఆర్ లాంటి వేగవంతమైన రహదారులపై డ్రైవింగ్ చేయునప్పుడు మరింత జాగ్రత్తగా ఉండాలి. ఏ చిన్న గమనపాటు కూడా పెద్ద ప్రమాదానికి దారితీయవచ్చు.