Adani Power- Bangladesh: అదానీ పవర్ బంగ్లాదేశ్‌కు విద్యుత్ బిల్లు చెల్లించేందుకు నాలుగు రోజుల సమయం ఇచ్చింది. బంగ్లాదేశ్ విద్యుత్ సరఫరాను కంపెనీ ఇప్పటికే సగానికి తగ్గించింది. గ్రూప్ కంపెనీ అదానీ పవర్ జార్ఖండ్ లిమిటెడ్ – APJL 846 మిలియన్ డాలర్లు అంటే సుమారు రూ. 7,118 కోట్లు బకాయిలు చెల్లించనందున ఈ చర్య తీసుకుంది.
బంగ్లాదేశ్ పవర్ గ్రిడ్ డేటా ప్రకారం, APJL గురువారం రాత్రి నుండి విద్యుత్ సరఫరాలో కోత విధించింది. ఈ కోత కారణంగా, బంగ్లాదేశ్ ఒక్క రాత్రిలో 1,600 మెగావాట్ల కంటే ఎక్కువ విద్యుత్ కొరతను ఎదుర్కొంది. 1,496 మెగావాట్ల బంగ్లాదేశ్ ప్లాంట్ ఇప్పుడు 700 మెగావాట్లతో పనిచేస్తోంది.
ఇది కూడా చదవండి: Prashanth Kishor: ప్ర‌శాంత్ కిషోర్ ఫీజు ఎంతో తెలుసా?
Adani Power- Bangladesh: అయితే, తాము పాత ధరల ప్రకారం బిల్లులు చెల్లించామని బంగ్లాదేశ్ ఎలక్ట్రిసిటీ బోర్డు తెలిపింది, జూలై నుండి, అదానీ ఛార్జీలు ప్రతి వారం 22 మిలియన్ డాలర్లకు పైగా పెరిగాయి. PDB సుమారు 18 మిలియన్ డాలర్లు చెల్లిస్తూ వస్తోంది. దీంతో మిగిలిన 4 మిలియన్ డాలర్లు ప్రతి వారం బకాయి పడుతోంది.
అదానీ పవర్ లిమిటెడ్ 10 ఏప్రిల్ 2023 నుండి తన పవర్ ప్రాజెక్ట్ ద్వారా బంగ్లాదేశ్‌కు విద్యుత్‌ను సప్లై చేయడం ప్రారంభించింది. 2017లో, విద్యుత్ కొనుగోలు ఒప్పందం ప్రకారం గొడ్డ పవర్ ప్లాంట్ నుండి బంగ్లాదేశ్‌కు 25 సంవత్సరాల పాటు విద్యుత్ సరఫరా చేయడానికి కంపెనీ ఒప్పందం కుదుర్చుకుంది.